Lockdownରେ ବୁକିଂ ହୋଇଥିବା ଫ୍ଲାଇଟ୍ ଟିକେଟର ପୂରା ଅର୍ଥ ମିଳିବ ଫେରସ୍ତ, ସୁପ୍ରିମକୋର୍ଟଙ୍କୁ ସୂଚନା ଦେଲା DGCA

1 min read
COVID-19 Test for International Passengers

ନୂଆଦିଲ୍ଲୀ: ଲକଡାଉନରେ ବୁକିଂ ହୋଇଥିବା ବିମାନ ଟିକେଟର ସମ୍ପୂର୍ଣ୍ଣ ଅର୍ଥ ଫେରସ୍ତ ମିଳିବ । ଏନେଇ ସୁପ୍ରିମକୋର୍ଟଙ୍କୁ ସୂଚନା ଦେଇଛନ୍ତି ବେସାମରିକ ବିମାନ ଚଳାଚଳ ମନ୍ତ୍ରାଳୟ । ମାର୍ଚ୍ଚ ୨୫ରୁ ମେ ୨ ମଧ୍ୟରେ ଯାତ୍ରା ପାଇଁ ବୁକିଂ ହୋଇଥିବା ସମସ୍ତ ଟିକେଟ କ୍ଷେତ୍ରରେ ଏହା ଲାଗୁ ହେବ । ଏଥିର ଉଭୟ ଘରୋଇ ଓ ଅନ୍ତର୍ଜାତୀୟ ଉଡ଼ାଣ ଟିକେଟ୍ ସାମିଲ ରହିଛି । ଜୁନ୍ ୧୩ରେ ସୁପ୍ରିମକୋର୍ଟ ଦେଇଥିବା ଆଦେଶ ପରେ DGCA ଏ ସୂଚନା ଦେଇଛନ୍ତି । ସୁପ୍ରିମକୋର୍ଟ ଘରୋଇ ଘରୋଇ ବିମାନ ଉଡ଼ାଣକାରୀ ସଂସ୍ଥା ସହ ବେସାମରିକ ବିମାନ ଚଳାଚଳ ମନ୍ତ୍ରାଳୟକୁ ଆଦେଶ ଦେଇଥିଲେ । କୁହାଯାଇଥିଲା ଯାତ୍ରୀଙ୍କ ଟିକେଟ୍ ବାତିଲ୍ ପରେ ରିଫଣ୍ଡ ନେଇ କୌଣସି ରାସ୍ତା ବାହାର କରାଯାଉ ।

DGCAଙ୍କ ପକ୍ଷରୁ କୁହାଯାଇଛି ବୁକ୍ ହୋଇଥିବା ଟିକଟ ଅର୍ଥ ରିଫଣ୍ଡ ନହେବା ଓ ଗ୍ରାହକଙ୍କ ଇଚ୍ଛା ବିରୋଧରେ କ୍ରେଡିଟ୍ ସେଲ୍ ତିଆରି କରିବା ନିୟମର ଉଲ୍ଲଂଘନ ଅଟେ । ସୁପ୍ରିମକୋର୍ଟରେ ଦାଏର ପିଟିସନରେ କୁହାଯାଇଛି କିଛି ଯାତ୍ରୀ ନିର୍ଦ୍ଧାରିତ ସମୟସୀମା ମଧ୍ୟରେ କ୍ରେଡିଟ୍ ସେଲ ବ୍ୟବହାର କରିବାକୁ ଇଚ୍ଛୁକ ନାହାଁନ୍ତି । ବିମାନ ବାତିଲ୍ ପରେ ଯାତ୍ରୀଙ୍କୁ ସମ୍ପୂର୍ଣ୍ଣ ରିଫଣ୍ଡ ମିଳିବା ଉଚିତ୍ ।

ଏପ୍ରିଲରେ ସରକାର ଦେଇଥିଲେ ରିଫଣ୍ଡ ନିର୍ଦ୍ଦେଶ

କେନ୍ଦ୍ର ସରକାର ଏପ୍ରିଲ ମାସରେ ଏୟାରଲାଇନ୍ସକୁ ଟିକେଟ୍ ବାତିଲ୍ ଚାର୍ଜ ବିନା ସମ୍ପୂର୍ଣ୍ଣ ଅର୍ଥ ଫେରସ୍ତ ଦେବାକୁ କହିଥିଲେ । ମାର୍ଚ୍ଚ ୨୫ରୁ ୧୪ ଏପ୍ରିଲ ମଧ୍ୟରେ ହୋଇଥିବା ଟିକେଟ୍ ବୁକିଂ ହୋଇଥିବା ଏବଂ ଯାତ୍ରା ତାରିଖ ୧୫ ମାର୍ଚ୍ଚରୁ ମେ ୩ ମଧ୍ୟରେ ହୋଇଥିବା ଦରକାର । ଏଥିସହ ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ଏନେଇ ନିର୍ଦ୍ଦେଶାଳୟକୁ ଜଣାଇବା ସହ ବିମାନ କମ୍ପାନୀ ଯେଭଳି ଏହାର ପାଳନ କରିବେ ସୁନିଶ୍ଚିତ କରିବାକୁ କୁହାଯାଇଥିଲା ।

ଏୟାରଲାଇନ୍ସ ଏପ୍ରିଲ ପ୍ରଥମ ସପ୍ତାହରୁ ୧୪ ଏପ୍ରିଲ ପର ପାଇଁ ବିମାନ ବୁକିଂ ଆରମ୍ଭ କରି ଦେଇଥିଲେ । କାରଣ ଅନୁମାନ କରାଯାଉଥିଲା ଦେଶରେ ଲାଗୁ ହୋଇଥିବା ଲକଡାଉନ୍ ଏପ୍ରିଲ୍ ୧୪କୁ ହଟାଇ ଦିଆଯିବ ଓ ବିମାନ ସେବା ପୁଣିଥରେ ଆରମ୍ଭ ହେବ ।

Opn Commnet Area

Leave a Reply

Your email address will not be published. Required fields are marked *

Close Bitnami banner