କୁହୁଡି ପାଇଁ ବିମାନ ସେବା ବାଧାପ୍ରାପ୍ତ, ଅବତରଣ କରିପାରିଲାନି ବିମାନ

1 min read
UK Detains One Russian Plane Amid Ukraine Russia War No Fly Zone

ଭୁବନେଶ୍ୱର: ଶୀତୁଆ ସକାଳକୁ ଘନ କୁହୁଡି । ରାଜଧାନୀରେ ଛାଇ ଯାଇଥିଲା ଘନ କୁହୁଡ଼ି । ଆଜି ଘନ କୁହୁଡ଼ି ରାଜଧାନୀକୁ ଘେରାବନ୍ଦୀ କରି ରଖିଥିଲା । ଘନ କୁହୁଡି ପାଇଁ ବାଧାପ୍ରାପ୍ତ ହୋଇଥିଲା ବିମାନ ସେବା । ଚଳିତ ବର୍ଷ ପ୍ରଥମଥର ଘନ କୁହୁଡି ପାଇଁ ବିମାନ ସେବା ବାଧାପ୍ରାପ୍ତ ହୋଇଛି । ଦିଲ୍ଲୀରୁ ଇଣ୍ଡିଗୋ ୨୧୭୮ ବିମାନ ଭୁବନେଶ୍ୱର ଆସୁଥିଲା । କିନ୍ତୁ ଘନ କୁହୁଡି ପାଇଁ ଏହି ବିମାନକୁ ରାୟପୁରକୁ ଡାଇଭର୍ଟ କରାଯାଇଥିଲା । ଦେଢଶହ ମିଟର ଦୃଶ୍ୟମାନ ଥିବାରୁ ଅବତରଣ କରିପାରିଲାନି ବିମାନ । ତେବେ ପରେ ସ୍ଥିତି ସ୍ୱାଭାବିକ ହେବା ପରେ ଭୁବନେଶ୍ୱରରେ ଅବତରଣ କଲା ଇଣ୍ଡିଗୋ ୨୧୭୮ ବିମାନ ।

ନିୟମ ଅନୁସାରେ ୮ ଶହ ମିଟର ଦୃଶ୍ୟମାନ ହେଲେ ସ୍ୱାଭାବିକ ହୁଏ ବିମାନ ସେବା । ପାଇଲଟ ଚାହିଁଲେ ୫ଶହ ରୁ ୮ଶହ ମିଟର ଦୃଶ୍ୟମାନରେ ଲ୍ୟାଣ୍ଡିଂ କରିପାରିବେ । କିନ୍ତୁ ଆଜି ୯ ଟା ୨୭ ମିନିଟରେ ୫୫୦ ମିଟର ଦୃଶ୍ୟମାନ ଥାଇ ଅବତରଣ କଲା ବିମାନ । କୋଲକାତାରୁ ଇଣ୍ଡିଗୋ 6E7623 ବିମାନ ଭୁବନେଶ୍ୱରରେ ଅବତରଣ କରିଥିଲା । ଏନେଇ ଭୁବନେଶ୍ୱର ବିମାନ ବନ୍ଦର ନିର୍ଦ୍ଦେଶକ ପ୍ରଭାତ ରଞ୍ଜନ ବେଉରିଆ ସୂଚନା ଦେଇଛନ୍ତି ।

 

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.