ସିକ୍କିମ ବୁଲିବାକୁ ଯାଇ ଢେଙ୍କାନାଳର ପାଞ୍ଚ ଜଣ ନିଖୋଜ
ଢେଙ୍କାନାଳ : ସିକ୍କିମ ବୁଲିବାକୁ ଯାଇ ଢେଙ୍କାନାଳର ପାଞ୍ଚ ଯୁବକ ଯୁବତୀ ନିଖୋଜ । ନିଖୋଜଙ୍କ ମଧ୍ୟରେ ଅଛନ୍ତି ସିମିନଇ ଗାଁର ୨୬ ବର୍ଷୀୟ ଚନ୍ଦ୍ରଶେଖର ସିଂହ । ସାତଜଣ ସାଙ୍ଗ ମିଶି ବୁଲିବାକୁ ସିକ୍କିମ ଯାଇଥିଲେ । ହେଲେ ସିକ୍କିମ ବନ୍ୟା ପରେ ମଙ୍ଗଳବାର ଠାରୁ କାହାର ବି ପତ୍ତା ମିଳୁନି । ସହାୟତା ପାଇଁ ଜିଲ୍ଲାପାଳଙ୍କୁ ଭେଟି ଗୁହାରି ଜଣାଇଛନ୍ତି ଚନ୍ଦ୍ରଶେଖର ସିଂହଙ୍କ ପରିବାର । ବାପା ଅକ୍ଷୟ କୁମାର ସିଂହ ଓ ମା ସତ୍ୟଭାମା ସିଂହ ଗତ ମଙ୍ଗଳବାର ରାତି ସାଢ଼େ ୯ଟାରେ ପୁଅ ସହ କଥା ହୋଇଥିଲେ ।
ସେଦିନ ଯାକ ସାଙ୍ଗ ମାନଙ୍କ ସହ ସିକିମରେ ବୁଲାବୁଲି ସାରି ରୁମରେ ଥିବା କହିଥିଲେ । ପରେ ଚନ୍ଦ୍ରଶେଖର କି ତାଙ୍କ ସାଥୀରେ ଥିବା କୌଣସି ସାଙ୍ଗଙ୍କ ଫୋନ ଲାଗୁନଥିବା କହିଛନ୍ତି ଚନ୍ଦ୍ରଶେଖରଙ୍କ ପରିବାର । ଯୋଗାଯୋଗ ପାଇଁ ପ୍ରଶାସନ ପକ୍ଷରୁ ପଦକ୍ଷେପ ନିଆଯିବ ବୋଲି କହିଛନ୍ତି ଜିଲ୍ଲାପାଳ ।
