ପଶ୍ଚିମବଙ୍ଗ ନ୍ୟୁ ମୈନାଗୁଡ଼ିରେ ମାଲବାହୀ ଟ୍ରେନ ଲାଇନଚ୍ୟୁତ, ଅଲଗା ହେଲା ୫ଟି ବଗି

ନନ୍ଦିଘୋଷ ବ୍ୟୁରୋ: ପୁଣି ଏକ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି । ମାଲବାହୀ ଟ୍ରେନର ପାଞ୍ଚଟି ବଗି ଲାଇନଚ୍ୟୁତ ହୋଇଛି । ଆଲିପୁରଦାର ଡିଭିଜନର ନ୍ୟୁ ମୈନାଗୁଡ଼ି ଷ୍ଟେସନ ନିକଟରେ ଏହି ଅଘଟଣ ଘଟିଛି । ଆଜି ସକାଳ ପ୍ରାୟ ୬ଟା ବେଳେ ଏହି ଘଟଣା ଘଟିଛି  । ଏହି ଦୁର୍ଘଟଣା ପରେ ଅନ୍ୟ ଟ୍ରେନ୍ ଗୁଡିକ ଅନ୍ୟ ରୁଟ୍ ମାଧ୍ୟମରେ ପଠାଯାଇଛି, ଯେଉଁ କାରଣରୁ ଏହି ଟ୍ରେନ ଚଳାଚଳ ପ୍ରଭାବିତ ହୋଇନାହିଁ  । ଘଟଣା ସମ୍ପର୍କରେ ସୂଚନା ପାଇବା ପରେ ଆଲିପୁରଦାର ଡିଆରଏମ  ସହ ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ। ପରେ ଘଟଣାସ୍ଥଳରେ ମରାମତି କାର୍ଯ୍ୟ ଚାଲିଛି ।

ଷ୍ଟେସନ ଅଧୀକ୍ଷକ ମୁକେଶ କୁମାର କହିଛନ୍ତି, “ଟ୍ରେନ ଲାଇନଚ୍ୟୁତ ହେବା ସୂଚନା ସକାଳେ ମିଳିଛି । ଏହି ଘଟଣା ଆଜି ସକାଳ ପ୍ରାୟ ୬ଟାରେ ଘଟିଥିଲା। ଏହି ଦୁର୍ଘଟଣାରେ କୌଣସି କ୍ଷୟକ୍ଷତି ହୋଇନାହିଁ। ମରାମତି କାର୍ଯ୍ୟ ଚାଲିଛି  । ଖୁବଶୀଘ୍ର ଟ୍େନ ଚଳାଚଳ ସ୍ବାଭାବିକ ହେବ । “