ଶିମିଳିପାଳରେ ୫ ଶିକାରୀ ଗିରଫ

ଶିମିଳିପାଳ: ଶିମିଳିପାଳରେ ୫ ଶିକାରୀ ଗିରଫ। ଥମିବାର ନା ଧରୁନି। ଶିମିଳିପାଳ ଜନ୍ତୁଙ୍କ ଉପରେ ଶିକାରୀଙ୍କ ଲୋଲୁପ ଦୃଷ୍ଟି। ଶିକାର କରି ବନବିଭାଗ ହାତରେ କେତେବେଳେ ଧରା ପଡ଼ୁଛନ୍ତି ତ ଆଉ କେତେବେଳେ ଶିକାର କରିବାରେ ସକ୍ଷମ ହେଉଛନ୍ତି।

ଗତକାଲି ଠାକୁରମୁଣ୍ଡା ବ୍ଲକ ସାତକୋଶିଆ ବନ୍ୟପ୍ରାଣୀ ବନାଞ୍ଚଳ ପକ୍ଷରୁ ଚଢ଼ାଉ କରାଯାଇ ୫ ଶିକାରୀଙ୍କୁ ଗିରଫ କରାଯାଇଛି। ସେମାନଙ୍କ ଠାରୁ ୮କେଜି କୁଟାରୀ ମାଂସ, କୁରାଢ଼ୀ, ଫାଶ ଆଦି ଜବତ କରିଛି ବନବିଭାଗ । ପାଞ୍ଚଜଣ ଶିକାରୀଙ୍କୁ କୋର୍ଟ ଚାଲାଣ କୋର୍ଟ ଚାଲାଣ କରାଯାଇଛି। ସମସ୍ତ ଅଭିଯୁକ୍ତ ଦୁଆରଶୁଣି ଗାଁର ବୋଲି ଜଣାପଡିଛି । ସାତକୋଶିଆ ବନ୍ୟପ୍ରାଣୀ ବନାଞ୍ଚଳର ସଂରକ୍ଷିତ କମ୍ପାଟମେଣ୍ଟ ୮ରେ ଶିକାର କରି ଫେରୁଥିବା ବେଳେ ବନ ବିଭାଗ ହାବୁଡ଼ରେ ପଡ଼ିଥିଲେ ।