ଲୋକ ଜନଶକ୍ତି ପାର୍ଟିରେ ବିଦ୍ରୋହ: ଦଳ ଛାଡ଼ିବେ ୫ ସାଂସଦ

ପାଟଣା: ବିହାରର ଲୋକ ଜନଶକ୍ତି ପାର୍ଟି ବା LJPରେ ବଡ଼ ଧରଣର ବିଦ୍ରୋହ । ଦଳର ୫ ଜଣ ସାଂସଦ ପାର୍ଟି ଛାଡ଼ିବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି । ସେମାନେ ଲୋକସଭା ବାଚସ୍ପତିଙ୍କୁ ସାକ୍ଷାତ କରିବାକୁ ସମୟ ମାଗିଛନ୍ତି । LJPର ରାଷ୍ଟ୍ରୀୟ ନେତା ଚିରାଗ ପାଶୱାନଙ୍କୁ ବିରୋଧ କରି ଏମାନେ ଦଳ ଛାଡ଼ିବାକୁ ମନସ୍ଥ କରିଥିବା ଚର୍ଚ୍ଚା ହେଉଛି । ତେବେ ଚିରାଗଙ୍କ ନିଜ କକା ତଥା ହାଜିପୁରର ସାଂସଦ ପଶୁପତି କୁମାର ପାରଶ ଏହାର ନେତୃତ୍ୱ ନେଉଥିବା କୁହାଯାଉଛି । ସେମାନେ JDU ସଂପର୍କରେ ରହି ଏଭଳି କରୁଥିବା ଚର୍ଚ୍ଚା ହେଉଛି । ତେବେ ଚିରାଗଙ୍କ କକା ଏହାକୁ ଖଣ୍ଡନ କରିଥିଲେ ମଧ୍ୟ ତାଙ୍କ ଦିଲ୍ଲୀ ବାସଭବନରେ ପୁତୁରା ଚିରାଗ ପାଶଓ୍ୱାନ ପହଞ୍ଚିଛନ୍ତି ।  ୨୦୨୦ରେ ରାମବିଳାଶ ପାଶଓ୍ୱାନଙ୍କ ଦେହାନ୍ତ ପରେ ଦଳର ନେତୃତ୍ୱ କିଏ ନେବ ତାକୁ ନେଇ ପ୍ରଶ୍ନ ଉଠିଥିଲା । ଏବେ ଦଳରେ ବିଦ୍ରୋହ ବଢ଼ିବାରେ ଲାଗିଛି ।

ଏଥିସହିତ ପଢ଼ନ୍ତୁ: ପୁଣି ବଢ଼ିଲା ତେଲ ଦର: ମାଲକାନଗିରିରେ ୧୦୦ ଟପିଲା ପେଟ୍ରୋଲ