ବିଲେଇକୁ ବଞ୍ଚାଇବାକୁ ଯାଇ ଗଲା ୫ ଜୀବନ

ମୁମ୍ବାଇ: ମହାରାଷ୍ଟ୍ରରେ ଘଟିଯାଇଛି ଅଭାବନୀୟ ଘଟଣା। ବିଲେଇକୁ ଉଦ୍ଧାର କରିବାକୁ ଯାଇ ୫ ଜଣଙ୍କର ମୃତ୍ୟୁ ହୋଇଛି । ଏହି ଘଟଣା  ଅହମ୍ମଦ ନଗର ଜିଲ୍ଲାର ବୋଲି ଜଣାପଡିଛି।

ରିପୋର୍ଟ ଅନୁସାରେ, ଜିଲ୍ଲାର ନେବାସା ତହସିଲ ଅନ୍ତର୍ଗତ ଏକ ବିଲେଇ ବାୟୋଗ୍ୟାସ୍ ଭର୍ତ୍ତି କୂଅରେ ପଡ଼ିଯାଇଥିଲା। ତାକୁ ବଞ୍ଚାଇବାକୁ ଯାଇଥିବା ଜଣେ ପିଲା ବାହାରକୁ ନଆସିବାରୁ ଅନ୍ୟମାନେ ତଳକୁ ଓହ୍ଲାଇଥିଲେ । ଏମିତି ଭାବେ ପ୍ରାୟ ୬ ଜଣକ କୂଅକୁ ଓହ୍ଲାଇଥିଲେ। ତେବେ ବହୁ କଷ୍ଟରେ ଜଣକୁ ଜୀବନ୍ତ ଉଦ୍ଧାର କରାଯାଇଥିଲା ।

ଗୋବର ଭର୍ତ୍ତି ବାୟୋଗ୍ୟାସ୍ କୂଅରେ ଫସିବା ପରେ ସମସ୍ତେ ମୃତ୍ୟୁ ବରଣ କରିଛନ୍ତି। ପୋଲିସ ଏବଂ ତହସିଲଦାର ଘଟଣାସ୍ଥଳରେ ପହଞ୍ଚି ଆବଶ୍ୟକୀୟ ପଦକ୍ଷେପ ଗ୍ରହଣ କରିଥିଲେ । ଜଣେ ଅଧିକାରୀଙ୍କ କହିବାନୁଯାୟୀ, ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚିବା ପରେ ଜଣେ ବ୍ୟକ୍ତିଙ୍କୁ ଉଦ୍ଧାର କରାଯାଇଥିଲା।