ପୁରୀର ତୀର୍ଥ ପୁଷ୍କରିଣୀ ଶ୍ୱେତଗଙ୍ଗା ଓ ନରେନ୍ଦ୍ର ପୋଖରୀରେ ମାଛ ମଡ଼କ, ପର୍ଯ୍ୟଟକଙ୍କ ମଧ୍ଯରେ ଉଦବେଗ

ପୁରୀ: ପବିତ୍ର ପୁଷ୍କରିଣୀରେ ଭାସୁଛନ୍ତି ଶହଶହ ମଲା ମାଛ। ମାଛ ମଡ଼କ ଯୋଗୁଁ ପୁଷ୍କରିଣୀର ଜଳ ପ୍ରଦୂଷିତ ହୋଇଛି । ଶ୍ୱେତଗଙ୍ଗା ଓ ନରେନ୍ଦ୍ରରେ ମାଛ ମଡ଼କ ଯୋଗୁଁ ପର୍ଯ୍ଯଟକଙ୍କ ମଧ୍ଯରେ ଉଦବେଗ ପ୍ରକାଶ ପାଇଛି। ତେବେ କେଉଁ କାରଣରୁ ମାଛଙ୍କ ଏପରି ମୃତ୍ଯୁ ହୋଇଛି ତାହା ଜଣା ପଡ଼ି ନଥିବାବେଳେ ତୀର୍ଥ ପୁଷ୍କରିଣୀର ଜଳ ପ୍ରଦୂଷିତ ଯୋଗୁଁ ଏପରି ଘଟିଥିବା ବୁଦ୍ଧିଜୀବୀ କହିଛନ୍ତି। ଜଳ ନିଷ୍କାସନ ସମସ୍ୟା ତଥା ପ୍ରଦୂଷିତ ଜଳ ମିଶିବା ଫଳରେ ପୁଷ୍କରିଣୀ ଜଳ ପ୍ରଦୂଷିତ ହୋଇଛି। ଅଭିଯୋଗ ପରେ ଜଳ ନମୁନା ପରୀକ୍ଷା ନିମିନ୍ତ CIFA କେନ୍ଦ୍ରକୁ ପଠାଯାଇଥିବା ଜିଲ୍ଲା ମତ୍ସ୍ଯ ଅଧିକାରୀ ସୂଚନା ଦେଇଛନ୍ତିl

ସେପଟେ ପୁରୀ ଜିଲ୍ଲାର ଅସ୍ତରଙ୍ଗ ଅଞ୍ଚଳରେ ଅଜଣା ରୋଗରେ ଛେଳିଙ୍କର ମୃତ୍ୟୁ ହେଉଛି । ବିଭିନ୍ନ ସ୍ଥାନରେ ୨୦ ରୁ ଅଧିକ ଛେଳିଙ୍କ ମୃତ୍ୟୁ ଘଟିଥିବାରୁ ଚାଷୀଙ୍କ ମଧ୍ଯରେ ଆତଙ୍କ ଖେଳି ଯାଇଛି। ଏଭଳି ହଠାତ୍ ଛେଳିଙ୍କ ମୃତ୍ୟୁ କାହିଁକି ହେଉଛି ତାହା ସ୍ପଷ୍ଟ ହୋଇ ନଥିବାବେଳେ ଏହାକୁ ନେଇ ପରିବେଶବିତ ଉଦବେଗ ପ୍ରକାଶ କରିଛନ୍ତି l ପ୍ରାଣୀ ଚିକିତ୍ସା ଅଧିକାରୀ ପହଞ୍ଚି ଛେଳିଙ୍କ ପରୀକ୍ଷା କରିବା ସହ ଲୋକଙ୍କ ସଚେତନ କରୁଛନ୍ତି ।