ଦେଶର ପ୍ରଥମ ଓ୍ୱାଟର ଟ୍ୟାକ୍ସି ସେବା ଆରମ୍ଭ

1 min read

କେରଳ: ଦେଶର ପ୍ରଥମ ଓ୍ୱାଟର ଟ୍ୟାକ୍ସି ସେବା କେରଳରେ ଆରମ୍ଭ ହୋଇଛି । କେରଳର ଜଳ ପରିବହନ ବିଭାଗ ପକ୍ଷରୁ ଏହି ସେବା ଆରମ୍ଭ କରାଯାଇଛି । କେରଳାର ପ୍ରମୁଖ ପର୍ଯ୍ୟଟନସ୍ଥଳୀ ଆଲ୍‌ପାଝୁଆ ଅଞ୍ଚଳରେ ଏହି ଟ୍ୟାକ୍ସି ସେବା ଆରମ୍ଭ କରାଯାଇଛି । ଏହି ‌ସେବାକୁ ଆରମ୍ଭ କରିବା ପୂର୍ବରୁ ପ୍ରଥମେ ପରୀକ୍ଷଣ କରାଯାଇଥିଲା। ଏହି ପରୀକ୍ଷଣ ସଫଳ ହେବା ପରେ ସର୍ବସାଧାରଣ ସେବା ପାଇଁ ଚାରିଟି ଓ୍ୱାଟର ଟାକ୍ସି ଚାଲିବାକୁ ଅନୁମତି ମିଳିଛି। ତେବେ ଏହାକୁ ଭାରତର ପ୍ରଥମ ଓ୍ୱାଟର ଟାକ୍ସି ବୋଟ୍ ସେବା ବୋଲି କୁହାଯାଉଛି।

ଏସଟିଡବ୍ଲୁଡି ନିର୍ଦେଶକ ଶାଜି ବି ନାୟର ଏହି ସେବା ଆରମ୍ଭକୁ ନେଇ କହିଛନ୍ତି, ଏହା ଡିଜେଲ ସଞ୍ଚାଳିତ ଗାଡ଼ି। ଏକାଥରକରେ ୧୦ ଜଣ ଯାତ୍ରୀ ଏଥିରେ ବସି ସୁବିଧା ଓ ସୁରକ୍ଷିତ ଭାବେ ଯାତ୍ରା କରି ପାରିବେ। ତେବେ ଏ ନୌକାଟି ଡିଜେଲ ଚାଳିତ ଓ ମୂଲ୍ୟ ପାଖାପାଖି ୫୦ ଲକ୍ଷ ଟଙ୍କା ରହିଛି। ଏଥିରେ ଯାତ୍ରୀଙ୍କୁ ନିଜ ଗନ୍ତବ୍ୟସ୍ଥଳରେ ପହଞ୍ଚିବାକୁ ହେଲେ ୩୦ ମିନିଟ୍ ପାଇଁ ୭୫୦ ଟଙ୍କା ଭଡ଼ା ଦେବାକୁ ପଡ଼ିବ। ଓ୍ୱାଟର ଟାକ୍ସି ବୋଟ୍ ପାଇଁ ଏହି ଭଡ଼ା ନିଶ୍ଚିତ ହୋଇ ନାହିଁ, ଆଗକୁ ଆହୁରି ଭଡ଼ା ବୃଦ୍ଧି ପାଇପାରେ ବୋଲି କୁହାଯାଉଛି। ଓ୍ୱାଟର ଟାକ୍ସି ବୋଟ୍ କୋଚିସ୍ଥିତ ଏକ ଫାର୍ମ ନଭଗତି ଦ୍ୱାରା ନିର୍ମାଣ କରାଯାଇଛି।

‘କରୋନା’ କମିଟିର ଦାବି: ଫେବ୍ରୁଆରୀ ବେଳକୁ ଫେରିଯିବ କରୋନା

Leave a Reply