ଚିତ୍ରକୋଣ୍ଡା ସ୍ୱାସ୍ଥ୍ୟକେନ୍ଦ୍ର ଇତିହାସରେ ପ୍ରଥମ ଥର ହେଲା ସିଜରିଆନ୍ ଡେଲିଭରୀ

ଚିତ୍ରକୋଣ୍ଡା (ରାଜକମଲ ପୁରୋହିତ): ବିଚ୍ଛିନାଞ୍ଚଳ, ଅପହଞ୍ଚ ଇଲାକା ଏମିତି କେତେ କଣ ନାଁ । ଗୁରୁପ୍ରିୟା ସେତୁ ପରେ ଏବେ ସ୍ୱାଭିମାନ ଅଞ୍ଚଳ ଭାବେ ପରିଚିତ । ଦିନ ଥିଲା ଏଠି ଲୋକ ଔଷଧ ଖାଇବା କଥା ତ ଛାଡ଼ନ୍ତୁ ମେଡିକାଲ ଆସୁନଥିଲେ । ବାଧକ ସାଜିଥିଲା ଭରାନଈ । ସ୍ୱାଭିମାନ ଅଞ୍ଚଳରେ ଗୁରୁପ୍ରିୟା ସେତୁ ନିର୍ମାଣ ପରେ ସ୍ଥିତି ବଦଳିଛି । ପ୍ରଶାସନର ଉଦ୍ୟମ ପରେ ଲୋକେ ସଚେତନ ହେଉଛନ୍ତି ।

Chitrakonda ଚିତ୍ରକୋଣ୍ଡା ସ୍ୱାସ୍ଥ୍ୟକେନ୍ଦ୍ର ଇତିହାସରେ ପ୍ରଥମ ଥର ପାଇଁ ହୋଇଛି ଅସ୍ତ୍ରୋପଚାର

ଦୁର୍ଗମ ଚିତ୍ରକୋଣ୍ଡା ବ୍ଲକର ଅଙ୍ଗ୍ରିଆଗୁଡ଼ା ଗାଁର ରବି ଶିଶାଙ୍କ ସ୍ତ୍ରୀ ମାଣିକ ଶିଶା ଚିତ୍ରକୋଣ୍ଡା ମେଡିକାଲରେ ଭର୍ତ୍ତି ହୋଇଥିଲେ । ନର୍ମାଲ ଡେଲିଭରୀ ପାଇଁ ଡାକ୍ତର ଚେଷ୍ଟା କରିଥିଲେ। ଅବସ୍ଥା ଖରାପ ଆଡ଼କୁ ଗତି କରିବାରୁ ମାଲକାନଗିରି ସ୍ଥାନାନ୍ତର ନକରି ଚିତ୍ରକୋଣ୍ଡା ସ୍ୱାସ୍ଥ୍ୟକେନ୍ଦ୍ରରେ ହିଁ ଅସ୍ତ୍ରୋପଚାର କରାଯାଇଥିଲା । ମାଆ ଓ ଛୁଆ ଏବେ ଦୁହେଁ ସୁରକ୍ଷିତ ଅଛନ୍ତି । ତେବେ ନବଜାତ ଶିଶୁ ପେଟରେ ଥିବା ବେଳେ ମଳ ଖାଇ ଦେଇଥିବାରୁ ତାକୁ ମାନକାନଗିରି ଜିଲ୍ଲା ହସପିଟାଲକୁ ସ୍ଥାନାନ୍ତର କରାଯାଇଛି ।

New Born Baaby
New Born Baaby

ଚିତ୍ରକୋଣ୍ଡା ମେଡିକାଲକୁ ବହୁ ବର୍ଷ ବିତିଥିଲେ ବି ଏଠି ଆଗରୁ କେବେ ସିଜରିଆନ୍ ଡେଲିଭରୀ ପାଇଁ ସାହାସ ଜୁଟାଇ ପାରିନଥିଲେ ଡାକ୍ତର ।  କେତେବେଳେ ଡାକ୍ତର ସମସ୍ୟା ତ ଆଉ କେବେ ରିସ୍କ ନେବାକୁ ଚାହୁଁନଥିଲେ ପ୍ରସୂତିଙ୍କ ପରିବାର । ତେବେ ଏଥର କିନ୍ତୁ ସାହାସ ପାଲଟିଛି ସମ୍ଭାବନା । ଆଉ ଚିତ୍ରକୋଣ୍ଡାର ଲେବର ରୁମରୁ ଶୁଭିଛି କୁଆଁ କୁଆଁ ଶବ୍ଦ ।

Chitrakonda Hospital
Chitrakonda Hospital
')}

Leave a Reply

Your email address will not be published.