ଚୀନ୍କୁ ଚେକ୍ ଦେବା ପାଇଁ ପ୍ରସ୍ତୁତି, କ୍ୱାଡ୍ ବୈଠକରେ ଏକାଠି ହେବେ ଭାରତ-ଆମେରିକା-ଜାପାନ-ଅଷ୍ଟ୍ରେଲିଆ
1 min read
ନୂଆଦିଲ୍ଲୀ: ଚୀନ୍କୁ ଚେକ୍ ଦେବା ପାଇଁ ପ୍ରସ୍ତୁତି । ପ୍ରଥମ ଥର ଲାଗି କ୍ୱାଡ୍ ବୈଠକରେ ଏକାଠି ହେବେ ଭାରତ, ଆମେରିକା, ଜାପାନ ଓ ଅଷ୍ଟ୍ରେଲିଆ । ଚୀନ୍କୁ ଚେକ୍ ଦେବା ଲାଗି ୪ ଦେଶର ନେତାଙ୍କ ମଧ୍ୟରେ ବସିବ କ୍ୱାଡ୍ ବୈଠକ । କ୍ୱାଡ୍ ନେତାଙ୍କ ଭର୍ଚୁଆଲ୍ ଶିଖର ବୈଠକ ବା ‘କ୍ୱାଡ୍ରିଲାଟେରାଲ୍ ସିକ୍ୟୁରିଟି ଡାଏଲଗ୍’ର ପ୍ରଥମ ଅଧିବେଶନ ମାର୍ଚ୍ଚ ୧୨ରେ ଅନୁଷ୍ଠିତ ହେବ ।
ଏଥିରେ ଆମେରିକା ରାଷ୍ଟ୍ରପତି ଜୋ. ବିଡେନ୍, ଜାପାନ ପ୍ରଧାନମନ୍ତ୍ରୀ ୟୋସିହିଡେ ସୁଗା, ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନ ଓ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେବେ । ଏନେଇ ମଙ୍ଗଳବାର ବୈଦେଶିକ ବ୍ୟାପାର ମନ୍ତ୍ରାଳୟ ଏକ ବିବୃତି ଜାରି କରିଛି । ଏଥିରେ କୋଭିଡ୍ ଭ୍ୟାକ୍ସିନ୍, ଜଳବାୟୁ ପରିବର୍ତ୍ତନ, ବିଶ୍ୱ ଅର୍ଥନୀତି ଓ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା ହେବ ବୋଲି ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି । ଏସିଆ ମହାଦେଶ ଓ ବିଶ୍ୱରେ ନିଜର ଦବଦବା ଦେଖାଇବାକୁ ଚୀନ୍ ପ୍ରୟାସ ଚଳାଇଥିବା ବେଳେ ସେଥିରେ ରୋକ ଲଗାଇବାକୁ ଏହି ବୈଠକ ବସୁଥିବା କୁହାଯାଇଛି । ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ଚୀନ୍ର ଆଧିପତ୍ୟକୁ ମୁକାବିଲା କରିବା ପ୍ରସଙ୍ଗରେ ମଧ୍ୟ ଏହି ସମ୍ମିଳନୀ ନିଶ୍ଚୟ ଧ୍ୟାନ ଦିଆଯିବ ।
