ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ତଳମୁହାଁ ହୋଇଛି। ଠିକ୍ ସମୟରେ ସରକାରଙ୍କର ଉନ୍ନତ ପଦକ୍ଷେପ ପାଇଁ ଆଜି ଓଡ଼ିଶା ସାରା ବିଶ୍ୱ ଆଗରେ ଚର୍ଚ୍ଚାର କେନ୍ଦ୍ରରେ ରହିଆସିଛି। ତେବେ ଆଜି ଶେଷ ହେବ ପ୍ରଥମ ପର୍ଯ୍ୟାୟ କରୋନା ଟୀକାକରଣ। ପ୍ରଥମ ପର୍ଯ୍ୟାୟରେ ଯେତିକି ଲୋକଙ୍କୁ ସରକାର ଟାର୍ଗେଟ କରିଥିଲେ ଟିକାରଣ ପାଇଁ ତାଠାରୁ ଅଧିକ ଲୋକ ଟିକା ନେଇଛନ୍ତି।
ସେପଟେ ରାଜ୍ୟରେ ଏବେ ଜାରି ରହିଛି ଦ୍ୱିତୀୟ ପର୍ଯ୍ୟାୟ ଟୀକାକରଣ। ଟିକାକରଣରେ ବାକି ରହିଯାଇଥିବା ବ୍ୟକ୍ତିଙ୍କୁ ଟିକା ଦେବାକୁ ଘରୋଇ ହସ୍ପିଟାଲରେ ବ୍ୟବସ୍ଥା କରାଯାଇଛି। ସେମାନେ ଘରୋଇ ହସ୍ପିଟାଲରେ ଯାଇ ଟିକା ନେଇପାରିବେ। ପୂର୍ବରୁ ଯେଉଁମାନେ ଟୀକା ନେବାକୁ ଅନିଚ୍ଛା ପ୍ରକାଶ କରିଥିଲେ ଓ ଲିଖିତ ଭାବେ ମଧ୍ୟ ଦେଇଥିଲେ ସେମାନଙ୍କ ସମ୍ପର୍କରେ ରାଜ୍ୟ ସରକାରଙ୍କୁ ଅବଗତ କରାଯିବ ବୋଲି ବିଏମ୍ସି କମିଶନର ପ୍ରେମ ଚନ୍ଦ୍ର ଚୌଧରି କହିଛନ୍ତି।
