ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କୁ ହଟାଇଲେ ମାକ୍ ଡୋନାଲ୍ଡ ବୋର୍ଡ

ନ୍ୟୁୟର୍କ: ସହକର୍ମୀଙ୍କ ସହ ସହମତିରେ ସଂପର୍କ ରଖିବା କଂପାନୀ ବସଙ୍କୁ ଶେଷରେ ମହଙ୍ଗା ପଡ଼ିଛି । କେହି ଅଭିଯୋଗ କରିନଥିଲେ ମଧ୍ୟ ଘଟଣା ଜଣା ପଡ଼ିବା ପରେ କଂପାନୀର ବୋର୍ଡ ମେମ୍ୱରମାନେ ଅଧିକାରୀ ଜଣଙ୍କୁ ଏକ ବଡ଼ ପଦବୀରୁ ହଟାଇଛନ୍ତି । ଆମେରିକାର ଏ ଘଟଣା ଏବେ ସାରା ବିଶ୍ୱରେ ଚହଳ ପକାଇଛି ।

ସୂଚନା ଅନୁସାରେ, ଫାଷ୍ଟ ଫୁଡ୍ ଜାଏଣ୍ଟ ମାକ୍ ଡୋନାଲ୍ଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଷ୍ଟିଭ୍ ଇଷ୍ଟପବ୍ରୁକଙ୍କୁ ପଦବୀରୁ ହଟାଇ ଦିଆଯାଇଛି । କଂପାନୀର ମ୍ୟାନେଜର ବିରୋଧୀ ଆଇନକୁ ସିଇଓ ଉଲଙ୍ଘନ କରି ଜଣେ କର୍ମଚାରୀଙ୍କ ସହ ସହମତି ଭିତ୍ତିରେ ସଂପର୍କ ରଖିଥିବାରୁ ବୋର୍ଡ ତାଙ୍କୁ ଦୋଷୀ ମାନି ପଦରୁ ବାହାର କରିଛି । ତାଙ୍କ ସ୍ଥାନରେ କ୍ରିସ୍ କେମ୍ପଜିନସ୍କିଙ୍କୁ ନୂଆ ସିଇଓଭାବେ ଅବସ୍ଥାପିତ କରିଛି ମାକ ଡୋନାଲ୍ଡ । ପୂର୍ବରୁ ସେ ଆମେରିକା ରିଜିଅର ମ୍ୟାକଡୋନାଲ୍ଡର ସଭାପତି ଥିଲେ ।

ସିଇଓ ପଦରୁ ହଟିବା ପରେ ସବୁ କର୍ମଚାରୀଙ୍କୁ ଏକ ମେଲ୍ ଲେଖିଛନ୍ତି ଷ୍ଟିଭ୍ ଇଷ୍ଟପବ୍ରୁକ । ତାଙ୍କର ଭୂଲ୍ ସ୍ୱୀକାର କରିବା ସହ ସେ ଆଗକୁ ବଢ଼ିବାକୁ ଚାହୁଁଛନ୍ତି ବୋଲି କହିଛନ୍ତି । ୨୦୧୫ରେ ମ୍ୟାକଡୋନାଲ୍ଡର ଖରାପ ସମୟରେ ଷ୍ଟିଭ୍ ଇଷ୍ଟପବ୍ରୁକ ସିଇଓ ଭାବେ ଦାୟିତ୍ୱ ନେଇଥିଲେ । ଗ୍ଲୋବାଲ୍ ମାର୍କେଟରେ ମ୍ୟାକ-ଡିର ୩୩ ପ୍ରତିଶତ ହ୍ରାସ ହେଉଥିବା ବେଳେ କଞ୍ଜ୍ୟୁମର ଫ୍ରେଣ୍ଡଲି ପରିବେଶ ସୃଷ୍ଟି କରି ବ୍ୟବସାୟକୁ ଭଲ ସ୍ଥିତିକୁ ଆଣିଥିଲେ ଷ୍ଟିଭ୍ ଇଷ୍ଟପବ୍ରୁକ ।

  ')}