ଲୋୟର ସୁକତେଲ ପ୍ରକଳ୍ପରୁ ପ୍ରଥମ ବନ୍ୟାଜଳ ନିଷ୍କାସନ, ସୃଷ୍ଟି ହେଲା ଜଳସେଚନର ନୂଆ ସମ୍ଭାବନା

ବଲାଙ୍ଗୀର: ବଲାଙ୍ଗୀର ଲୋୟର ସୁକତେଲ ପ୍ରକଳ୍ପରୁ ନିଷ୍କାସିତ ହେଲା ପ୍ରଥମ ବନ୍ୟା ଜଳ । ପାନୀୟ ଜଳ ସହ ସୃଷ୍ଟି ହେଲା ଜଳସେଚନର ନୂଆ ସମ୍ଭାବନା । ବର୍ତ୍ତମାନ ପ୍ରକଳ୍ପରୁ ପ୍ରତି ସେକେଣ୍ଡରେ ୪୦ କ୍ୟୁସେକ୍ସ ଜଳ ପ୍ରବେଶ କରୁଥିବା ବେଳେ ୫୦ କ୍ୟୁମେକ୍ସ ଜଳ ନିଷ୍କାସିତ ହେଉଛି। ୨ଟି ସୁଇସ୍ ଗେଟ ଦେଇ ଜଳ ନିଷ୍କାସନ ହେଉଛି । ଡ୍ୟାମର ଜଳସ୍ତର ରହିଛି ୧୮୭ ଦଶମିକ ୬ ମିଟର । ଏହି ପ୍ରକଳ୍ପ ଦ୍ବାରା ୪୦ ହଜାର ହେକ୍ଟର ଜମିରେ ଜଳସେଚନ  ହୋଇପାରିବ । ବଲାଙ୍ଗୀର ଓ ସୋନପୁର ଜିଲ୍ଲାର ୧ ଲକ୍ଷରୁ ଅଧିକ ଚାଷୀ ଉପକୃତ ହେବେ । 5T ଉପକ୍ରମରେ ଗୋଟିଏ ବର୍ଷରେ ତ୍ୱରାନ୍ବିତ ହୋଇଛି ଲୋୟର ସୁକତେଲ ପ୍ରକଳ୍ପ କାମ । ପ୍ରାୟ ୯୫ ପ୍ରତିଶତ କାମ ଶେଷ ହୋଇସାରିଛି ।