ପଶ୍ଚିମ ଓଡ଼ିଶାର ଆଉ ଏକ ଜିଲ୍ଲା ଛୁଇଁଲା କରୋନା, କ୍ୱାରେଣ୍ଚାଇନରେ ଥିବା ବ୍ୟକ୍ତି ସଂକ୍ରମିତ
ବରଗଡ଼: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ପୂର୍ବରୁ କରୋନା ସଂକ୍ରମିତ ହୋଇନଥିବା ଜିଲ୍ଲାରେ ଧିରେ ଧିରେ ଲୋକ ପଜିଟିଭ୍ ଆସୁଛନ୍ତି । ପଶ୍ଚିମ ଓଡ଼ିଶାର ବରଗଡ଼ରେ କରୋନା ଖାତା ଖୋଲିଛି । ଜିଲ୍ଲାରେ ପ୍ରଥମ କରି ଚିହ୍ନଟ ହୋଇଛନ୍ତି ଜଣେ କରୋନା ପଜିଟିଭ୍ । ବରଗଡ଼ ପୌରପରିଷଦରେ ଜିଲ୍ଲାର ପ୍ରଥମ ସଂକ୍ରମଣ ମାମଲା ଚିହ୍ନଟ ହୋଇଛି ।
ପୌର ପରିଷଦର ୧୪ ନମ୍ବର ୱାର୍ଡରେ ସଂକ୍ରମିତ ଚିହ୍ନଟ ହୋଇଛନ୍ତି । ସୁବାସ ନଗର ମାଷ୍ଟ୍ରର ଟିକ୍ରା ଜଣଙ୍କୁ କରୋନା ହୋଇଛି । ସଂକ୍ରମିତଙ୍କ ଜଣଙ୍କ ହୋମ୍ କ୍ୱାରେଣ୍ଟାଇନରେ ଥିଲେ । ପ୍ରଶାସନ ପକ୍ଷରୁ ସମ୍ପୃକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି ।
କଣ୍ଟେନମେଣ୍ଟ ଜୋନରୁ କେହି ବାହାରକୁ ଯାଇପାରିବେ ନାହିଁ କି ଆସିପାରିବେ ନାହିଁ । ପ୍ରଶାସନ ପକ୍ଷରୁ କଣ୍ଟେନମେଣ୍ଟ ଜୋନରେ ଅତ୍ୟାବଶ୍ୟକୀୟ ସାମଗ୍ରୀ ଯୋଗାଇ ଦିଆଯିବ ବୋଲି ସୂଚନା ଦିଆଯାଇଛି ।
