୫୦ ରାଉଣ୍ଡ ଫାୟରିଂ: ଅଳ୍ପକେ ବର୍ତ୍ତିଲେ ଆରଏଲଡି ନେତା
ବୁଲେନ୍ଦଶହର: ଉତ୍ତର ପ୍ରଦେଶର ଆରଏଲଡି ନେତା ହାଜି ୟୁନୁସଙ୍କ ଉପରକୁ ଫାୟରିଂ । ଫୁଟିଲା ୫୦ ରାଉଣ୍ଡ ଗୁଳି । ଅଳ୍ପକେ ବର୍ତ୍ତିଲେ ୟୁସୁସ । ହାତରେ ବାଜିଛି ଗୁଳି । ଘଟଣାରେ ୫ ଗୁରୁତର ।
ମିଳିଥିବା ସୂଚନା ଅନୁସାରେ ୟୁନୁସ ଏକ ବିବାହ ଭୋଜିରେ ଯୋଗ ଦେବାକୁ ଯାଇଥିଲେ । ଭୋଜିରୁ ସମର୍ଥକଙ୍କ ସହ ଫେରୁଥିବା ବେଳେ ଭାଇପୁର ଗାଁ ନିକଟରେ ହଠାତ ଆକ୍ରମଣ ହୋଇଥିଲା । ଦୁର୍ବୃତ୍ତମାନେ ଅଟୋମେଟିକ ମେସିନ ଗନରେ ସେମାନଙ୍କ ଉପରକୁ ଗିଳିମାଡ଼ ଆରମ୍ଭ କରିଦେଇଥିଲେ ।
ଗୁଳିମାଡ଼ ପରେ ସୁରକ୍ଷାକୁ ନେଇ ପ୍ରଶ୍ନ ଉଠାଇଛନ୍ତି । ୬ ମାସ ହେବ ତାଙ୍କୁ ହତ୍ୟା କରାଯିବାକୁ ଷଡଯନ୍ତ୍ର କରାଯାଇଥିବା ଆଶଙ୍କା କରି ସେ ଏସଏସପି ସୁରକ୍ଷା ଯୋଗାଇ ଦେବାକୁ ଅନୁରୋଧ କରିଥିଲେ । ଯାହା ଏପର୍ଯ୍ୟନ୍ତ ମିଳିନଥିବା ସେ ଅଭିଯୋଗ କରିଛନ୍ତି ।
ୟୁନୁସଙ୍କ ବଡ଼ ଭାଇ ହାଜି ଅଲ୍ଲିଙ୍କ ପୁଅ ଅନସ ତାଙ୍କୁ ହତ୍ୟା କରିବାକୁ ଏମିତି କରିଥାଇ ପାରେ ବୋଲି ସେ ଆଶଙ୍କା କରିଛନ୍ତି । ସୂଚନାଯୋଗ୍ୟ, ଅନସ ନିଜ ବାପା ଅଲ୍ଲୀଙ୍କ ହତ୍ୟା ଅଭିଯୋଗରେ ଡାସନା ଜେଲରେ ବନ୍ଦ ଅଛି ।
ଏସଏସପି ସନ୍ତୋଷ କୁମାର ସିଂ କହିଛନ୍ତି ଘଟଣାରେ ଅନସଙ୍କ ସମ୍ପୃକ୍ତି ଅଛି କି ନାହିଁ ଯାଞ୍ଚ କରାଯାଉଛି ।
