କୋଲକାତାରେ ଚାଞ୍ଚଲ୍ୟ, ବାଂଲାଦେଶ ହାଇକମିଶନ ଅଫିସ ସାମ୍ନାରେ ଆଖିବୁଜା ଗୁଳିମାଡ
କୋଲକାତା: ବାଂଲାଦେଶ ହାଇକମିଶନଙ୍କ ଅଫିସ ସାମନାରେ ଫୁଟିଲା ଗୁଳି । ପାର୍କ ସର୍କସ ଅଞ୍ଚଳରେ ଆଜି ଦ୍ବିପହରରେ ଆଖିବୁଜା ଗୁଳିମାଡ କରିଛନ୍ତି ଜଣେ ପୋଲିସ କର୍ମୀ । ୧୦ରୁ ୧୫ ରାଉଣ୍ଡ ଆଖିବୁଜା ଗୁଳିମାଡ କରିବା ପରେ ଆତ୍ମହତ୍ୟା କରିଛନ୍ତି ପୋଲିସ ବାବୁ ।
ଏସଏଲଆର ରାଇଫଲରୁ ଆଖିବୁଜା ଗୁଳିମାଡ କରି ଜଣେ ମହିଳାଙ୍କୁ ମଧ୍ୟ ହତ୍ୟା କରିଛନ୍ତି । ଏହି ଗୁଳିକାଣ୍ଡରେ ଜଣେ ବାଇକ ଆରୋହୀ ଗୁରୁତର ହୋଇଛନ୍ତି । ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପଟେ ମୃତ ମହିଳାଙ୍କ ପରିଚୟ ମିଳି ପାରିନାହିଁ ।
ଏହି ଘଟଣା ପରେ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ଅଞ୍ଚଳକୁ ଘେରି ତଦନ୍ତ କରୁଛି । ଆଜି ସକାଳେ ସେ ଡ୍ୟୁଟିରେ ଯୋଗ ଦେଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ଘଟଣା ପରେ ଅଞ୍ଚଳରେ ଦୋକାନ ବଜାର ବନ୍ଦ ରହିଥିବା ବେଳେ ନିକଟରେ ବାଂଲାଦେଶ ହାଇକମିଶନଙ୍କ ଅଫିସ ଥିବାରୁ ପୋଲିସର ଚିନ୍ତା ବଢାଇଛି ।
