ଦିଲ୍ଲୀ ରୋହିଣୀ କୋର୍ଟରେ ପୁଣି ଫାୟାରିଂ

ନୂଆଦିଲ୍ଲୀ: ଦିଲ୍ଲୀ ରୋହିଣୀ କୋର୍ଟରେ ପୁଣି ଫାୟାରିଂ । ଆଇନଜୀବୀ  ଓ କୋର୍ଟ ପରିସରରେ ଥିବା ସୁରକ୍ଷାକର୍ମୀଙ୍କ ମଧ୍ୟରେ କୌଣସି କାରଣରୁ ଯୁକ୍ତିତର୍କ ହେବା ପରେ ଫାୟାରିଂ ହୋଇଛି ।

ସୁରକ୍ଷାକର୍ମୀଙ୍କ ଗୁଳିରେ ଦୁଇ ଜଣ ଆଇନଜୀବୀ ଆହତ ହୋଇଥିବା ସୂଚନା ମିଳିଛି । କୋର୍ଟ ପରିସରରେ ଫାୟାରିଂକୁ ନେଇ ଆତଙ୍କ ଖେଳିଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି । ତେବେ ଗୁଳିକାଣ୍ଡର ପ୍ରକୃତ କାରଣ ଜଣାପଡ଼ିନାହିଁ ।

ଏଠାରେ ଆମେ କହି ରଖିବାକୁ ଚାହୁଁଛୁ ଯେ, କୋର୍ଟ ପରିସରରେ ଫାୟାରିଂ ପ୍ରଥମ ଘଟଣା ନୁହେଁ । ଏହା ପୂର୍ବରୁ କୋର୍ଟ ପରିସରରେ ଫାୟାରିଂ ଏବଂ ବମ୍ ବ୍ଲାଷ୍ଟ ଭଳି ଖବର ସାମ୍ନାକୁ ଆସିଥିଲା ।