ରମ୍ପେଲା ସେତୁ ନିକଟରେ ଗୁଳିକାଣ୍ଡ , ଜଣେ ଗୁରୁତର

ଝାରସୁଗୁଡା : ଝାରସୁଗୁଡା ଜିଲ୍ଲାରୁ ସମ୍ବଲପୁର ଜିଲ୍ଲା ରେଙ୍ଗାଲିକୁ ସଂଯୋଗ କରୁଥିବା ରମ୍ପେଲା ସେତୁ ନିକଟରେ ଗୁଳିକାଣ୍ଡ। ଗୁଳିକାଣ୍ଡରେ ଜଣେ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଥିବାବେଳେ ଅଭିଯୁକ୍ତ ଫେରାର ହୋଇଛି। ଆହତ ଜଣକ ଝାରସୁଗୁଡା ଜିଲ୍ଲା ବନ୍ଧବାହାଲର ମନୋଜ ବାରିକ ହୋଇଥିବା ବେଳେ ଗୁଳି ଚଳାଇଥିବା ଯୁବକ ଜଣକ ବନ୍ଧବାହାଲର ଏମଡି ସୋନୁ ବୋଲି ଜଣାପଡିଛି  । ଆହତ ମନୋଜଙ୍କ ଅଣ୍ଟାରେ ଗୁଳି ବାଜିଥିବା ବେଳେ ପ୍ରଥମେ ତାଙ୍କୁ ବନ୍ଧବାହାଲ ହସ୍ପିଟାଲରେ ପ୍ରାଥମିକ ଚିକିତ୍ସା ପରେ ବୁର୍ଲା ମେଡିକାଲକୁ ପଠାଇ ଦିଆଯାଇଛି  । ବନହରପାଲି ପୋଲିସ ଏନେଇ ସୂଚନା ପାଇ ତଦନ୍ତ କରିଛି ।