ଏକ୍ସ- ଆର୍ମିମ୍ୟାନଙ୍କ ଗୁଳିରେ ଶଳା ଓ ପୁତୁରା ଗୁରୁତର

ଜଗତସିଂହପୁର: ତରଡାପଡା ମଜୁରାଇ ଗାଁରେ ଫୁଟିଲା ଗୁଳି । ଘରୋଇ ଝଗଡାକୁ କେନ୍ଦ୍ରକରି ଏକ୍ସ- ଆର୍ମିମ୍ୟାନ୍ ଚନ୍ଦ୍ରକାନ୍ତ ପରିଡ଼ାଙ୍କ ଗୁଳିରେ ଶଳା ଅଭିନବ ଦାସ ଓ ପୁତୁରା ପ୍ରୀତମ ଦାସ ଗୁରୁତର ଆହତ ହୋଇଛନ୍ତି । ଅଭିଯୁକ୍ତ ଚନ୍ଦ୍ରକାନ୍ତ ପରିଡ଼ାଙ୍କୁ ଗିରଫ କଲା ପୋଲିସ । ବନ୍ଧୁକ ଗୁଳି ଜବତ । ଘରଠାରୁ ଦୁଇ ଶହ ମିଟର ଦୂରରେ ବଣରେ ଲୁଚିଥିବା ବେଳେ ଗିରଫ କଲା ପୋଲିସ ।

ଗୁରୁତର ଶଳା ଓ ପୁତୁରାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ପୋଲିସକୁ ଦେଖି ଜଗତସିଂହପୁର ମେଡିକାଲରୁ ସମ୍ପର୍କୀୟ ଫେରାର ହୋଇଯିବାକୁ ଉଦ୍ୟମ କରିଥିଲେ । ଜଗତସିଂହପୁର ଥାନା ଅଧିକାରୀ ସେମନାଙ୍କ ଗାଡ଼ି ଜବତ କରିଛନ୍ତି । କଟକ ବଡ଼ ମେଡିକାଲକୁ ଚିକିତ୍ସା ନିମନ୍ତେ ଯାଇଥିବା ଦୁଇଜଣଙ୍କୁ ପଚରାଉଚରା କରି ଅଧିକ ଜାଣିବା ପାଇଁ ଜଗତସିଂହପୁର ପୋଲିସ କଟକ ଯାଇଛି ।