ଗାଁ ଦାଣ୍ଡରେ ଫୁଟିଲା ଗୁଳି, ଫାୟାରିଂରେ ୩ଜଣ ଗୁରୁତର

କଟକ: ଗାଁ ଦାଣ୍ଡରେ ଫୁଟିଲା ଗୁଳି । ଆଠଗଡ ଥାନା ଜେନାପଦା ମଝିସାହିରେ ଗୁଳିମାଡ଼ । ଫାୟାରିଂରେ ୩ଜଣ ଗୁରୁତର ହୋଇଛନ୍ତି । ସମସ୍ତଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଗୁରୁତରଙ୍କ ମଧ୍ୟରେ ବାପାପୁଅ ଥିବା ସୂଚନା ମିଳିଛି । ସୋସିଆଲ ମିଡିଆରେ ଫଟୋ ଛାଡ଼ିବାକୁ ନେଇ ଗଣ୍ଡଗୋଳ ହୋଇଥିବା ସୂଚନା ମିଳିଛି ।

ଫାୟାରିଂରେ ୩ଜଣ ଗୁରୁତର ହୋଇ କଟକ ବଡ଼ ମେଡିକାଲକୁ ସ୍ଥାନାନ୍ତର ହୋଇଛନ୍ତି । ଗୁରୁତର ବ୍ୟକ୍ତି ହେଲେ ବଂଶୀଧର ନାୟକ, ଜିତେନ୍ଦ୍ର ନାୟକ ଓ ଦୀନବନ୍ଧୁ ନାୟକ । ଦୀନବନ୍ଧୁ ଓ ବଂଶୀଧର ନାୟକଙ୍କ ଦେହରେ 3ଟି ଲେଖାଏ ବାଜିଥିବାବେଳେ ଜିତେନ୍ଦ୍ରଙ୍କ ଦେହରେ 2ଟି ଗୁଳି ବାଜିଛି ।

ସମସ୍ତେ ଗାଁରେ ବସିଥିବାବେଳେ ସଦାନନ୍ଦ ଦାସ ନାମକ ବ୍ୟକ୍ତି ଗୁଳି ଚଳାଇଥିବା ଅଭିଯୋଗ ହୋଇଛି । ପୂର୍ବ ଶତ୍ରୁତାରୁ ଗୁଳିମାଡ ହୋଇଥିବା ସନ୍ଦେହ କରାଯାଉଛି । ଅଭିଯୁକ୍ତ ଫେରାର ହୋଇଯାଇଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।