ନନ୍ଦିଘୋଷ ଟିଭି ପ୍ରଭାବ: କପିଳାସ ରେଞ୍ଜରେ ଚଢ଼ାଉ,ବନ କର୍ମଚାରୀ-ଶିକାରୀ ମୁହାଁମୁହିଁ

ଢେଙ୍କାନାଳ: ନନ୍ଦିଘୋଷ ଟିଭିର ମହାପ୍ରଭାଵ। କପିଳାସ ରେଞ୍ଜର ବିଭିନ୍ନ ଜଙ୍ଗଲରେ ଚଢ଼ାଉ କଲା ବନ ବିଭାଗ । ଚଢ଼ାଉ ବେଳେ ବନ କର୍ମଚାରୀ ଓ ଶିକାରୀ ମୁହାଁମୁହିଁ । ଚଢ଼ାଉ ବେଳେ ଗୁଳି ଚଳାଇଲେ ମାଫିଆ । ଏଯାବତ୍ ଚଢ଼ାଉ ମଧ୍ୟରେ ୫ ଶିକାରୀଙ୍କୁ ଗିରଫ କରିଛି ବନ ବିଭାଗ । ଏଥିସହିତ ୪ ଦେଶୀ ବନ୍ଧୁକ ୨ଟି ହରିଣ ଛାଲ ୯ଟି ବଜ୍ରକାପ୍ତା କାତି ୧୦୦ ଟି ଫାସ, ୩ ଟି ମାଂସ କଟା ଛୁରୀକୁ ଜବତ କରିଛି ।ବିଭାଗ।

ସୂଚନା ଯୋଗ୍ୟ, ବଜ୍ରକାପ୍ତା ଚୋରା ଚାଲାଣ ନେଇ ନନ୍ଦିଘୋଷ ଟିଭିରେ ମାରଥନା ଖବର ପ୍ରସାରଣ ହୋଇଥିଲା । ଏହା ପରେ କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ବନ ବିଭାଗ ଚେଉଁ ଉଠିଛି । ନିଜର ଭୁଲକୁ ସ୍ୱୀକାର କରିବା ସହିତ ବନ ବିଭାଗର ସ୍ୱତନ୍ତ୍ର ଗୁଇନ୍ଦା ବିଭାଗ ସମ୍ପୂର୍ଣ ଫେଲ ମାରିଥିବା କଥା ମାନିଛନ୍ତି ଡିଏଫ୍‌। ଅନ୍ୟପଟେ ବିଳମ୍ୱରେ ହେଲେ ସୁଦ୍ଧା ବନ ବିଭାଗର ଆକ୍ସନ ଏବେ ଶିକାରୀ ଓ ଚୋରା ଚାଲାଣ କାରୀଙ୍କ ମୁଣ୍ଡ ବିନ୍ଧା ର କାରଣ ପାଲଟିଛି। ଦୀର୍ଘ ଦିନ ଧରି ଜଙ୍ଗଲ ଭିତରେ ଥିବା ରାକେଟ ଏବେ ଜଙ୍ଗଲ ଭିତରୁ ମାରିଚି ଛୁ । ଆଉ ଏହାରି  ଭିତରେ ଖାଲି ବଜ୍ରକାପ୍ତା କାହିଁକି ବହୁ ହରିଣ ଛାଲ ବନ୍ଧୁକ ଗୁଳି ହରିଣ ସିଙ୍ଘ ବଜ୍ରକାପ୍ତା କାତି ଧନୁତୀର ସହ ବହୁ ମାରଣାସ୍ତ୍ର କୁ ଜବତ କରିଛି ବନ ବିଭାଗ। ସୋରିସିଆପଦା ଜଙ୍ଗଲ ଦେଇ ଯାଇଥିବା ରାସ୍ତା କୁ ସିଲ କରି ରାତି ତମାମ ଗାଡି ଯାଞ୍ଚ କରୁଛି ବନ ବିଭାଗ ର ସ୍ୱତନ୍ତ୍ର ଟିମ। ବଜ୍ରକାପ୍ତା ଶିକାରୀ ସହ ପ୍ରାୟ ୧୫ ଜଣ ଶିକାରୀଙ୍କୁ ଧରି କୋର୍ଟ ଚାଲାଣ କରିଛି ବନ ବିଭଗର ସ୍ୱତନ୍ତ୍ର ଟିମ । ତେବେ କପିଳାଶ କଙ୍କଡାହାଡ଼ ଓ ହିନ୍ଦୋଳ ଜଙ୍ଗଲଗୁଡିକ ଶିକାରୀଙ୍କ ଟାର୍ଗେଟ ରେ ଥିବା ବନ ବିଭାଗ ସୂଚନା ଦେଇଛି। ଆଉ ଏ ସବୁ ଏରିଆ ଗୁଡିକରୁ କିପରି ଜନ୍ତୁ ଚାଲାଣ ସହିତ ଶିକାରକୁ ରୋକା ଯାଇପାରିବ ସେ ନେଇ ପ୍ରସ୍ତୁତ ହୋଇଛି ବ୍ଲୁ ପ୍ରିଣ୍ଟ । ତେବେ ବଜ୍ରକାପ୍ତା ଖବର ନନ୍ଦିଘୋଷ ଟିଭିରେ ପ୍ରସାରଣ ପରେ ଏହା ଅନ୍ତର୍ଜାତୀୟ ରାକେଟ ସମ୍ପୃକ୍ତ ଥିବା ନେଇ ବନ ବିଭାଗ କ୍ରାଇମବ୍ରାଞ୍ଚର ଏସଟିଏଫ୍‌କୁ ଏହାର ତଦନ୍ତ ଭାର ପ୍ରଦାନ କରିଛି ।

ତେବେ ଚଢ଼ାଉ ବେଳେ ମୁହାଁମୁହିଁ ହୋଇଛନ୍ତି ମାଫିଆ ଓ ବନକର୍ମଚାରୀ । ୨ ରାଉଣ୍ଡ ଗୁଳି ଫୁଟାଇବା ସହ ଆତଙ୍କ ଖେଳାଇଛନ୍ତି ମାଫିଆ ।