ରାୟଗଡ଼ା ମୁଖ୍ୟ ବଜାରରେ ଲାଗିଲା ନିଆଁ, ଜଳିଗଲା ୩ କୋଟିରୁ ଅଧିକ ସମ୍ପତ୍ତି

ରାୟଗଡ଼ା: ସହରର ମୁଖ୍ୟ ବଜାରରେ ଅଗ୍ନିକାଣ୍ଡ । ବିଳମ୍ବିତ ରାତିରେ ୨ଟି ଦୋକାନରେ ଲାଗିଲା ନିଆଁ । କପିଳାସ ରୋଡରେ ଥିବା ନଟରାଜ ହାର୍ଡୱେର ଓ ଶ୍ରୀ ପରମ ଜ୍ୟୋତି ମେଡିକାଲ ଷ୍ଟୋରରେ ଅଗ୍ନିକାଣ୍ଡ ଘଟି ୩ କୋଟିରୁ ଉର୍ଦ୍ଧ ମୂଲ୍ୟର ସମ୍ପତ୍ତି ନଷ୍ଟ ହୋଇଛି। ବିଦ୍ୟୁତ ସର୍ଟ ସର୍କିଟ ଯୋଗୁଁ ଦୋକାନରେ ନିଆଁ ଲାଗିଥିବା ସନ୍ଦେହ କରାଯାଉଛି। ରାୟଗଡ଼ା ଓ କୋଲନରାର ଅଗ୍ନିଶମ ବିଭାଗର ୨ଟି ଦଳ ଦୀର୍ଘ ୪ ଘଣ୍ଟା ଧରି ନିଆଁ ଲିଭାଇବା ପାଇଁ ଉଦ୍ୟମ କରିଥିଲେ। ବିଳମ୍ବିତ ରାତିରେ ପ୍ଲାଷ୍ଟିକ ଓ ରସାୟନ ସାମଗ୍ରୀ ଥିବା ଯୋଗୁଁ ନିଆଁକୁ ଆୟତ କରିବା କଷ୍ଟ ହୋଇପଡିଥିଲା ।