ହୁତୁ ହୁତୁ ହୋଇ ଜଳିଲା କୋଠା, ୫ ମହଲାରୁ ଡେଇଁଲେ ଶ୍ରମିକ

1 min read

ସୁରତ: ହୁହୁ ହୋଇ ଜଳୁଥିଲା କୋଠା । ୫ ମହଲା କୋଠାରେ ଫସିଥିଲେ ଶତାଧିକ ଶ୍ରମିକ । ସବୁଠି ଭୟର ବାତାବରଣ । ଜୀବନ ବଞ୍ଚାଇବାକୁ ଶେଷରେ କୋଠାରୁ ଡେଇଁବା ଆରମ୍ଭ କରିଦେଲେ ଶ୍ରମିକ । ୨ଜଣଙ୍କର ମୃତ୍ୟୁ ଘଟିଥିବା ବେଳେ ଏକାଧିକ ଆହତ । ଏହି ଭୟାବହ ଘଟଣା ଘଟିଛି ସୁରତ୍ କଡୋଦରା ଅଞ୍ଚଳରେ । ଏକ ପ୍ୟାକେଜିଙ୍ଗ ୟୁନିଟରେ ଲାଗିଛି ନିଆଁ । ଦମକଳ ବାହିନୀର ୧୨ରୁ ଅଧିକ ଗାଡ଼ି ନିଆଁ ଲିଭାରେ ନିୟୋଜିତ ହୋଇଛନ୍ତି ।

ମିଳିଥିବା ସୂଚନା ଅନୁସାରେ ପ୍ରତିଦିନ ଭଳି ପ୍ୟାକେଜିଙ୍ଗ ୟୁନିଟର ୫ମ ମହଲାରେ ଶ୍ରମିକମାନେ କାମ କରୁଥିଲେ । ହଠାତ୍ ନିଆଁ ଲାଗି ଯାଇଥିଲା । ନିଆଁର ପ୍ରକୋପ୍ ବଢ଼ିବାରୁ ଶ୍ରମକମାନେ ନିଜ ଜୀବନ ବଞ୍ଚାଇବାକୁ କୋଠାରୁ ଡେଇଁବା ଆରମ୍ଭ କରିଦେଇଥିଲେ ।

ଖବର ପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ହାଇଡ୍ରୋଲିକ ଲିଫ୍ଟରେ ୧୨୫ ଶ୍ରମିକଙ୍କୁ ଉଦ୍ଧାର କରାଯାଇଥିଲା । ରିର୍ପୋଟ ଲେଖା ହେବା ପର୍ଯ୍ୟନ୍ତ ନିଆଁ ଆୟତ୍ତକୁ ଆସିନି । ନିଆଁ ଲିଭାରେ ୧୨ରୁ ଅଧିକ ଦମକଳ ଗାଡ଼ି ନିୟୋଜିତ ହୋଇଛନ୍ତି ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published. Required fields are marked *