ଏମକେସିଜି ମେଡିକାଲ କଲେଜରେ ନିଆଁ, ୱାର୍ଡରେ ଥିଲେ ୨୦ରୁ ୨୨ ଜଣ ରୋଗୀ

ଗଞ୍ଜାମ: ଟଳିଗଲା ବଡ଼ ବିପଦ। ବ୍ରହ୍ମପୁର ଏମକେସିଜି ମେଡିକାଲ କଲେଜରେ ଲାଗିଥିବା ନିଆଁକୁ ଆୟତ୍ତ କରାଯାଇଛି । ସୁପରସ୍ପେଶିଆଲିଟି ବ୍ଲକର ୫ମ ମହଲାରେ ନିଆଁ ଲାଗିଥିବା ବେଳେ ପୁରା ବିଲ୍ଡିଂ ଧୂଆଁମୟ ହୋଇଯାଇଥିଲା । ରୋଗୀମାନଙ୍କୁ ଅନ୍ୟସ୍ଥାନକୁ ସ୍ଥାନାନ୍ତର କରାଯାଇଥିବା ବେଳେ କେହି ମୃତାହତ ହୋଇ ନଥିବା ମେଡିକାଲ ପକ୍ଷରୁ ସୂଚନା ଦିଆଯାଇଛି । ଅସ୍ତ୍ରୋପଚାର ଚାଲିଥିବା ବେଳେ ନିଆଁ ଲାଗିଥିଲେ ବି କ୍ଷୟକ୍ଷତି ସମ୍ପର୍କରେ କିଛି ଜଣାପଡ଼ିନି। ନିଆଁ ଲାଗିଥିବା ୱାର୍ଡରେ ୨୦ରୁ ୨୨ ଜଣ ରୋଗୀଥିଲେ। ତେବେ ସର୍ଟ ସର୍କିଟ୍ ଯୋଗୁ ନିଆଁ ଲାଗିଥିବା ତାହା ଜଣାପଡ଼ିନି। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି।