ଭୋରରୁ ଭୟାବହ ଅଗ୍ନିକାଣ୍ଡ, ଜଳିଗଲା ୩୦ଟି ପରିବା ଦୋକାନ

ଜୟପୁର: ଜୟପୁର ଦୈନିକ ପରିବା ବଜାରରେ ନିଆଁ । ଆଜି ଭୋରରୁ ପରିବା ବଜାରରେ ନିଆଁ ଲାଗି ଯାଇଥିଲା । ସର୍ଟ ସର୍କିଟରୁ ନିଆଁ ଲାଗିଥିବା ଜଣାପଡ଼ିଛି । ଅଗ୍ନିକାଣ୍ଡରେ ପ୍ରାୟ ୩୦ଟି ପରିବା ଷ୍ଟଲ ଜଳି ଯାଇଛି । ଲକ୍ଷାଧିକ ଟଙ୍କାର ପରିବାପତ୍ର ନଷ୍ଟ ହୋଇଯାଇଛି ।

ଭୋରରୁ କିଛି ବ୍ୟବସାୟୀ ପରିବା ମାର୍କେଟ୍ ଆସିଥିବା ବେଳେ ନିଆଁ ଲାଗିଥିବା ଦେଖିଥିଲେ । ସଙ୍ଗେ ସଙ୍ଗେ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ଲକ୍ଷ ଲକ୍ଷ ଟଙ୍କାର ପରିବା ପାଉଁଶ ହୋଇଯାଇଛି ।