ଟ୍ରାକରେ ଜଳିଗଲା ଦୁର୍ଗ-ଉଦ୍ଧମପୁର ଏକ୍ସପ୍ରେସର ଏସି କୋଚ୍

ମୁରୈନା: ଟ୍ରାକରେ ଜଳିଗଲା ଟ୍ରେନ୍ । ମୁରୈନା-ଧୌଳପୁର ନିକଟରେ ବୈଷ୍ଣୌ ଦେବୀରୁ ଆସୁଥିବା ଦୁର୍ଗ-ଉଦ୍ଧମପୁର ଏକ୍ସପ୍ରେସରେ ନିଆଁ ଲାଗିଛି । ଏସି କୋଚରେ ନିଆଁ ଲାଗି ଏ-୧ ଓ ଏ-୨ ସମ୍ପୂର୍ଣ୍ଣ ଭାବେ ଜଳିପୋଡ଼ି ପାଉଁଶ ହୋଇ ଯାଇଛି । ଏକ୍ସପ୍ରେସରୁ ଉଭୟ ବଗିକୁ ଅଲଗା କରାଯାଇଥିବା ବେଳେ ଅନ୍ୟ ବଗିରେ ମଧ୍ୟ ଧୂଆଁମୟ ହେବା ପରେ ଯାତ୍ରୀଙ୍କ ମଧ୍ୟରେ ଆତଙ୍କ ଖେଳି ଯାଇଛି । ଅଗ୍ନିଶମ ବାହିନୀର ୮ଟି ଟିମ୍ ନିଆଁ ଆୟତ୍ତ ପାଇଁ ଚେଷ୍ଟା କରୁଛନ୍ତି ।

ତେବେ ବର୍ତ୍ତମାନ ମୃତାହତ ନେଇ କୌଣସି ଖବର ନାହିଁ । କିଛି ସମୟ ପରେ ଟ୍ରେନଟି ଗ୍ୱାଲିୟର ଅଭିମୁଖେ ଯାତ୍ରା କରିବ । ଏହା ପୂର୍ବରୁ ନଭେମ୍ବର ୧୩ ତାରିଖରେ ଦିଲ୍ଲୀରୁ ଝାନସୀ ଯାଉଥିବା ତାଜ୍ ଏକ୍ସପ୍ରେସରେ ମଧ୍ୟ ନିଆଁ ଲାଗିଥିଲା । ଏସି କୋଚରେ ନିଆଁ ଲାଗିଥିବା ବେଳେ ବଡ଼ ଅଘଟଣ ଘଟି ନଥିଲା ।