ଫାଲକନୁମା ଏକ୍ସପ୍ରେସରେ ଅଗ୍ନିକାଣ୍ଡ : ୩ଟି ବଗିରେ ଲାଗିଛି ନିଆଁ
1 min read
ନନ୍ଦିଘୋଷ ବ୍ୟୁରୋ : ଫାଲକନୁମା ଏକ୍ସପ୍ରେସରେ ନିଆଁ। ହାଓ୍ବଡ଼ାରୁ ସିକନ୍ଦରାବାଦ ଯାଉଥିବା ଫାଲକନୁମା ଏକ୍ସପ୍ରେସର ୩ଟି ବଗିରେ ନିଆଁ ଲାଗିଛି। ସର୍ଟ ସର୍କିଟ୍ ଯୋଗୁଁ ଟ୍ରେନର S-4,S-5, S-6ରେ ନିଆଁ ଲାଗିଥିବା ସନ୍ଦେହ କରାଯାଉଛି ।
ବୋମାଇପାଲି-ପାଗିଡ଼ିପାଲି ମଧ୍ୟରେ ଟ୍ରେନରେ ନିଆଁ ଲାଗିଥିଲା। ସମସ୍ତ ଯାତ୍ରୀ ସୁରକ୍ଷିତ ଭାବେ ଓହ୍ଲାଇ ଯାଇଥିବା ଦକ୍ଷିଣ କେନ୍ଦ୍ରୀୟ ରେଳପଥ ପକ୍ଷରୁ ସୂଚନା ଦିଆଯାଇଛି। ନିଆଁକୁ ଆୟତ୍ତ କରାଯାଇଛି। ଘଟଣାସ୍ଥଳରେ ରେଳବାଇ ଜେନେରାଲ ମ୍ୟାନେଜର ଅଘଟଣ ନେଇ ତଦନ୍ତ କରୁଛନ୍ତି। ଯାତ୍ରୀଙ୍କୁ ସେମାନଙ୍କ ଗନ୍ତବ୍ୟସ୍ଥଳକୁ ଅନ୍ୟ ଟ୍ରେନରେ ପଠାଯାଇଛି।