ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ, ଜଳିଗଲା ଗେଟ୍ ଓ ବ୍ଯାରିକେଡ୍

ପୁରୀ: ପୁରୀରେ ଭୟାବହ ଅଗ୍ନିକାଣ୍ଡ। ଭୋରରୁ ଗୁଣ୍ଡିଚା ମନ୍ଦିର ନାକଚଣା ଦ୍ବାର ନିକଟରେ ଅଗ୍ନିକାଣ୍ଡ ହୋଇଛି । ନିଆଁ ଲାଗି ହୁତୁହୁତୁ ହୋଇ ଜଳିଲା ଫାଇବର ଗେଟ ଓ ବ୍ଯାରିକେଡ୍ । ନିଆଁ ଏତେ ଭୟଙ୍କର ଥିଲା ଯେ ପାଖକୁ ବି ଯିବା ଅସମ୍ଭବ ହୋଇପଡ଼ୁଥିଲା।

ଅଗ୍ନିକାଣ୍ଡରେ ପ୍ରାୟ ୧୦ଟି ଫାଇବର ଗେଟ୍ ସମ୍ପୂର୍ଣ୍ଣ ଜଳିଯାଇଛି । ଏହାସହ ପାଖରେ ଥିବା ଗଛ ଓ ଅନ୍ଯାନ୍ଯ ସାମଗ୍ରୀ ବି ଜଳିଯାଇଛି। ନାକଚଣା ଦ୍ୱାର ଓ ପାଚେରୀ ବି କ୍ଷତିଗ୍ରସ୍ତ ହୋଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବବେଳେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି।