ବାଣ ଭିଡ଼ା ଯାଉଥିବା ବେଳେ ରାଜଧାନୀର ଚୂନକୁଲି ବସ୍ତିରେ ବିସ୍ଫୋରଣ

ଭୁବନେଶ୍ବର: ଇନଫୋସିଟି ଚୂନକୁଲି ବସ୍ତିରେ ଅଗ୍ନିକାଣ୍ଡ । ବାଣ ଭିଡ଼ା ଯାଉଥିବା ବେଳେ ଅଘଟଣ । ବିଘ୍ନରାଜ ପଟ୍ଟନାୟକ ନାମକ ବ୍ୟକ୍ତିଙ୍କ ଘରେ ଚାଲିଥିଲା ବାଣ ତିଆରି । ହଠାତ ବାଣରେ ନିଆଁ ଲାଗିବାରୁ ହୋଇଥିଲା ବଡ଼ ଧରଣ ବିସ୍ଫୋରଣ । ଘରଟି ସମ୍ପୂର୍ଣ୍ଣ ଭାଙ୍ଗି ଚୁରମାର ହୋଇଯାଇଥିବା ବେଳେ, ତଳ ଘରେ ରହୁଥିଲେ ପାଖାପାଖି ୨୦ରୁ ଅଧିକ ଝିଅ । ଅଗ୍ନିକାଣ୍ଡ ପରେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।

ବିସ୍ଫୋରଣ ଏତେ ଭୟଙ୍କର ଥିଲା ଯେ, ଆଖ ପାଖ ଅଞ୍ଚଳରେ ଥିବା ଘର ବି କ୍ଷତିଗ୍ରସ୍ତ ହୋଇଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ବିନା ଅନୁମତିରେ ଏଠାରେ ବାଣ ପ୍ରସ୍ତୁତ ହେଉଥିଲା ବୋଲି କହିଛନ୍ତି ଅଗ୍ନିଶମ ଅଧିକାରୀ । ଘଗଟଣାର ତଦନ୍ତ କରାଯିବା ସହ ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଅଗ୍ନିଶମ ଅଧିକାରୀ ।