ଖଡଗପୁର ନିକଟରେ ଚଳନ୍ତା ବସରେ ଲାଗିଗଲା ନିଆଁ, ପାରାଦୀପ ଆସୁଥିଲା ବସ୍

ଖଡଗପୁର: ଚଳନ୍ତା ବସରେ ଲାଗିଲା ନିଆଁ । କୋଲକାତା ବାବୁଘାଟରୁ ପାରାଦୀପ ଆସୁଥିବା ଯାତ୍ରୀବାହୀ ବସରେ ନିଆଁ ଲାଗିଯାଇଛି । ଅଗ୍ନିକାଣ୍ଡରେ କେନ୍ଦ୍ରାପଡା ମାର୍ଶାଘାଇ ବ୍ଲକର ନୋଳିଆ ଚକରପୁ ଗାଁର ପୁଷ୍ପଲତା ଦାସଙ୍କ ମୃତ୍ୟୁ ହୋଇଛି ।

ଆହତ ହୋଇଥିବା ଯାତ୍ରୀଙ୍କୁ ମେନିଦାପୁର ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, ଗତକାଲି ଶିବମ ବସ ପାରାଦୀପ ଆସୁଥିବା ବେଳେ, ଖଡଗପୁର ନିକଟ ଜାତୀୟ ରାଜପଥରେ ଜଳି ଯାଇଥିଲା । ବସରେ ମୋଟ ୫୮ ଜଣ ଯାତ୍ରୀ ଥିଲେ । ହଠାତ ନିଆଁ ଲାଗିବା ଜାଣିବା ପରେ ଭୟଭୀତ ହୋଇ ପଡିଥିଲେ ଯାତ୍ରୀ । ତେବେ ଧୂଆଁ ସାଙ୍ଗକୁ ଅଣନିଶ୍ବାସୀ ହୋଇପଡିବାରୁ ପୁଷ୍ପଲତାଙ୍କର ମୃତ୍ୟୁ ହୋଇଛି । ବସ ଭିତରେ ବାଣ ଥିଲା ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି ।