ମଥୁରା ବୃନ୍ଦାବନରୁ ଫେରୁଥିଲେ ଶ୍ରଦ୍ଧାଳୁୁ, ଚଳନ୍ତା ବସରେ ଲାଗିଲା ନିଆଁ
ନୁହ: ହରିୟାଣାର ନୁହରେ ବଡ ଅଘଟଣ । ପର୍ଯ୍ୟଟକ ବସରେ ନିଆଁ ଲାଗି ୮ ଜୀବନ୍ତ ଦଗ୍ଧ । ୧୨ରୁ ଅଧିକ ପର୍ଯ୍ୟଟକ ଗୁରୁତର ହୋଇଛନ୍ତି । ଚଳନ୍ତା ବସରେ ନିଆଁ ଲାଗିଯିବା ପରେ ପୋଲିସ ଓ ସ୍ଥାନୀୟ ଲୋକେ ନିଆଁକୁ ଆୟତ୍ତ କରିବା ପାଇଁ ପ୍ରୟାସ ଜାରି ରଖିଛନ୍ତି ।
କୁଣ୍ଡଳୀ ମାନେସର ପଲୱଲ ଏକ୍ସପ୍ରେସ ୱେରେ ଏହି ଅଘଟଣ ଘଟିଛି । ଦୁର୍ଘଟଣାରେ ପ୍ରାଣ ହରାଇଥିବା ଓ ଗୁରୁତର ଆହତ ମାନେ ପଞ୍ଜାବ ଓ ଚଣ୍ଡିଗଡ ଅଞ୍ଚଳର ହୋଇଥିବା ଜଣାପଡିଛି । ସେମାନେ ମଥୁରା ଓ ବୃନ୍ଦାବନ ଦର୍ଶନ ସାରି ଫେରୁଥିବା ବେଳେ ହଠାତ୍ ବସରେ ନିଆଁ ଲାଗି ଯାଇଥିଲା । ଶୁକ୍ରବାର ପଞ୍ଜାବର ଲୁଧିଆନା ହୋଶିଆରପୁର ଓ ଚଣ୍ଡିଗଡ ଅଞ୍ଚଳରୁ ୬୦ ଜଣ ପର୍ଯ୍ୟଟକ ବସ ଭଡା କରି ବନାରସ, ମଥୁରା ଓ ବୃନ୍ଦାବନ ଦର୍ଶନରେ ବାହାରିଥିଲେ ।
ପାଖାପାଖି ରାତି ସାଢେ ୧ଟା ସମୟରେ ବସରେ ନିଆଁ ଲାଗି ଯାଇଥିଲା ।
