ରାଜଧାନୀରେ ମୁଡକି ଫ୍ୟାକ୍ଟ୍ରିରେ ଆଗ୍ନିକାଣ୍ଡ
ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଭୟାବହ ଆଗ୍ନିକାଣ୍ଡ । ପୁନମାଗେଟ ଅରବିନ୍ଦ ନଗରରେ ଏହି ଅଗ୍ନିକାଣ୍ଡ ଘଟିଛି । ଏକ ମୁଡକି ଫ୍ୟାକ୍ଟ୍ରିରେ ନିଆଁ ଲାଗିଥିବା ଜଣାପଡିଛି ।
ଖବର ପାଇଁ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଅଗ୍ନିକାଣ୍ଡରେ କେହି ମୃତାହତ ହୋଇଥିବାର ସୂଚନା ନାହିଁ ।
ମିଳିଥିବା ସୂଚନା ଅନୁସାରେ ମୁଡକି ତିଆରି ବେଳେ ଆଗ୍ନିକାଣ୍ଡ ଘଟିଥିଲା । ତେଲ କଡେଇରୁ ନିଆଁ ଲାଗି ବ୍ୟାପି ଯାଇଥିଲା । ତେବେ ଏହି ସମୟରେ ସେଠାରେ ଥିବା ଲୋକମାନେ ସୁରକ୍ଷିତ ବାହାରି ଆସିଥିଲେ । ନିଆଁ ଲାଗିବା ପରେ ଏକ ସିଲିଣ୍ଡର ଗ୍ୟାସ ବ୍ଲାଷ୍ଟ କରିଥିବା ସ୍ଥାନୀୟ ଲୋକେ କହିଛନ୍ତି ।
