କଟକ ବସଷ୍ଟାଣ୍ଡରେ ଅଗ୍ନିକାଣ୍ଡ, ବ୍ୟାପିବାରେ ଲାଗିଛି ନିଆଁ…
କଟକ ସ୍ଥିତ ପାଲାମଣ୍ଡପ ପାଖ ପୁରୀ ବସଷ୍ଟାଣ୍ଡରେ ଏକ ଭୟାବହ ଅଗ୍ନିକାଣ୍ଡ ଘଟିଛି । ଗୋଟିଏ ବସି ସମ୍ପୂର୍ଣ୍ଣ ପୋଡ଼ି ଯାଇଥିବା ସୂଚନା ମିଳିଛି । ନିଆଁ ଲାଗିଥିବା ବସରୁ ନିଆଁ ଅନ୍ୟ ବସକୁ ବ୍ୟାପିବାରେ ଲାଗିଛି ।
ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରହିଛି । ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଅଗ୍ନିକାଣ୍ଡକୁ ଆୟତ୍ତ କରିବାର ପ୍ରୟାସ ଜାରି ରଖିଛି । ଅଗ୍ନିକାଣ୍ଡର କାରଣ ଏବେ ବି ଅସ୍ପଷ୍ଟ ରହିଥିବା ବେଳେ ପ୍ରାୟ ଏକ ଘଣ୍ଟା ତଳେ ନିଆଁ ଲାଗିଥିବା ସୂଚନା ମିଳିଛି ।
ତେବେ ଏବେ ସୁଦ୍ଧା ଗୋଟିଏ ବସରେ ନିଆଁ ଲାଗିଥିବା ସୂଚନା ରହିଛି । ଏହି ବସଟୁି ଚାରି ମାସ ଧରି ପଡ଼ି ରହିଥିଲା । ବସ ମାଲିକଙ୍କ କହିବା କଥା ଯେ ବସ ଅନେକ ଦିନ ହେବ ଯାତ୍ରା କରୁନଥିବା ହେତୁ ଏଥିରୁର ବ୍ୟାଟେରୀ କାଢି ଦିଆଯାଇଥିଲା । ବ୍ୟାଟେରୀ ନଥିବା ବେଳେ ଅଗ୍ନିକାଣ୍ଡ କିଭଳି ଘଟିଲା ସେନେଇ କୌଣସି ସ୍ପଷ୍ଟ ଚିତ୍ର ମିଳିପାରୁନାହିଁ । ନିଶାଦ୍ରବ୍ୟ ସେବନ କରୁଥିବା ଲୋକଙ୍କ ଅସାବଧନତା ଯୋଗୁଁ ଏଭଳି ଘଟିଥିବା ଅନୁମାନ କରାଯାଉଛି ।
