ହସ୍ପିଟାଲ ଟେନସନ୍ ପରେ କନିକାଙ୍କୁ ଏବେ ଥାନାକୁ ଦୌଡିବାକୁ ପଡିବ.. କାହିଁକି ? ଜାଣନ୍ତୁ..

ଲକ୍ଷ୍ନୌ: ଲକ୍ଷ୍ନୌର ସଞ୍ଜୟ ଗାନ୍ଧୀ ପୋଷ୍ଟ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (SGPGI) ରେ ପଞ୍ଚମ ଟେଷ୍ଟ ପରେ ଗାୟିକା କନିକା କପୁରଙ୍କ ରିପୋର୍ଟ ନେଗେଟିଭ୍ ଆସିଛି । ଡାକ୍ତରଙ୍କ ଅନୁସାରେ ସେ ଏବେ ସମ୍ପୂର୍ଣ୍ଣ ଭାବେ ସୁସ୍ଥ । ଡାକ୍ତରଖାନାର ପ୍ରଶାସନ ଏବେ ଦୀର୍ଘ ନିଶ୍ୱାସ ନେଇଛନ୍ତି । କାରଣ କନିକା କପୁର ହସ୍ପିଟାଲରେ ଭର୍ତ୍ତି ହୋଇଥିବା ସମୟରେ ହଇଚଇ ସୃଷ୍ଟି କରିଥିଲେ । ଏବେ ପୋଲିସ କନିକାଙ୍କ ବିରୋଧରେ ଦାଖଲ ହୋଇଥିବା ଘଟଣାର ତଦନ୍ତ ପାଇଁ ପ୍ରସ୍ତୁତି ଚଲାଇଛି। । ତାଙ୍କ ବିରୋଧରେ ଦାଖଲ ହୋଇଥିବା ମାମଲାଗୁଡ଼ିକ ବିଷୟରେ କନିକା କପୁର ମଧ୍ୟ ଅବଗତ ଅଛନ୍ତି । ଏଥିପାଇଁ କନିକା ଡାକ୍ତରଖାନାରୁ ଫୋନରେ ତାଙ୍କ ଓକିଲଙ୍କ ସହ କଥା ହୋଇଥିଲେ।

ମାର୍ଚ୍ଚ ମାସ ୨୦ ତାରିଖରେ ଲକ୍ଷ୍ନୌ ବାସିନ୍ଦା କନିକା କପୁରଙ୍କ କରୋନା ପଜିଟିଭ ଖବର ସାମ୍ନାକୁ ଆସିଥିଲା । କରୋନା ରିପୋର୍ଟ ପଜିଟିଭ ହେବା ପରେ କନିକାଙ୍କୁ PGI ରେ ଭର୍ତ୍ତି କରାଯାଇଥିଲା । କରୋନା ସଂକ୍ରମଣ ସତ୍ତ୍ୱେ କନିକା ସହରର ଅନେକ ପାର୍ଟୀରେ ଯୋଗ ଦେଇଥିଲେ । ତେବେ କନିକାଙ୍କ ବିରୋଧରେ ଅଭିଯୋଗ ହୋଇଛି ଯେ, କନିକା ଏୟାରପୋର୍ଟରେ ପହଞ୍ଚିବା ପରେ ମଧ୍ୟ ଯାଞ୍ଚ କରିନଥିଲେ। ସଂକ୍ରମଣକୁ ଲୁଚାଇବା ପାଇଁ କନିକାଙ୍କ ବିରୋଧରେ ପୋଲିସ ଷ୍ଟେସନରେ ସରୋଜିନୀ ନଗର ସିଏମଓଙ୍କ  ଦ୍ୱାରା ଏଫଆଇଆର ଦାଖଲ କରାଯାଇଥିଲା।

କନିକାଙ୍କ ବିରୋଧରେ ଆଇପିସି ଧାରା ୧୮୮ର ଉଲ୍ଲଘଂନ, ଧାରା ୨୬୯ ଅନ୍ତର୍ଗତରେ ଅବହେଳା କରି ସଂକ୍ରମଣ ବିସ୍ତାର କରିବା, ଧାରା ୨୭୦  ଅର୍ଥାତ ବିଦ୍ୱେଶପୂର୍ଣ୍ଣ ଭାବନାରେ ଲୋକଙ୍କ ମଧ୍ୟରେ ଭାଇରସ ସଂକ୍ରମଣ କରିବା ମାମଲା  ଦାଏର ହୋଇଛି ।

ପଚରାଉଚରା ବେଳେ କନିକା କପୁର ପୋଲିସ ପ୍ରଶାସନକୁ କହିଛନ୍ତି ଯେ, ସେ ମାର୍ଚ୍ଚ ୧୧ ତାରିଖରେ ଲକ୍ଷ୍ନୌ ଆସିଥିଲେ। କିନ୍ତୁ   ପ୍ରଶାସନିକ ତ୍ରୁଟି କାରଣରୁ  ମାର୍ଚ୍ଚ ୧୪ ତାରିଖରେ ସେ ଲକ୍ଷ୍ନୌ ଆସିଥିଲେ ବୋଲି  ଲେଖା ଯାଇଥିଲା  । ଏହା ସହ କନିକା କପୁରଙ୍କ ଏଫଆଇଆରରେ, ମହିଳା ବଦଳରେ ପୁରୁଷ ଲେଖାଯାଇଥିଲା । କେବଳ ସେତିକି ନୁହେଁ ତାଙ୍କ ବୟସ ମଧ୍ୟ ଭୁଲ ଲେଖାଯାଇଥିଲା ।  ସିଏମଓ ସଠିକ୍ ସୂଚନା ଦେବା ପରେ ସରୋଜିନୀ ନାଗର ପୋଲିସ ଏକ ମାମଲା  ରୁଜୁ କରି ତଦନ୍ତ ଆରମ୍ଭ କରିଥିଲା।

ପୋଲିସ ଅଧିକାରୀ କନିକାଙ୍କ ସହ ଫୋନରେ କଥା ହୋଇ ତାଙ୍କଠାରୁ କିଛି ଉତ୍ତର ମାଗିଥିଲେ। ସେମାନଙ୍କୁ ଉତ୍ତର ଦେବା ପୂର୍ବରୁ କନିକାଙ୍କ ଅବସ୍ଥା ବିଗିଡି ଯାଇଥିଲା । ଏବଂ ସେ ପୋଲିସକୁ ଉତ୍ତର ଦେଇପାରିନଥିଲେ। ଏବେ କନିକାଙ୍କ ରିପୋର୍ଟ ନେଗେଟିଭ୍ ଆସିବା ପରେ PGI ଖୁବ୍ ଶୀଘ୍ର ତାଙ୍କର ଆଉ ଏକ ଟେଷ୍ଟ କରିବ । ଯଦି ଏହି ରିପୋର୍ଟ ନେଗେଟିଭ୍ ଆସେ ତେବେ କନିକାଙ୍କୁ ଡାକ୍ତରଖାନାରୁ ଡିସଚାର୍ଜ କରାଯିବ। ଏହା ପରେ ତାଙ୍କ ବିରୋଧରେ ଦାଖଲ ହୋଇଥିବା ମାମଲାଗୁଡ଼ିକର ତଦନ୍ତ କରାଯିବ। ଏହି କାରଣରୁ, କନିକା ତାଙ୍କ ଓକିଲଙ୍କୁ ପୋଲିସ ପଚାରିଥିବା ପ୍ରଶ୍ନର ଉତ୍ତର ପ୍ରସ୍ତୁତ କରିବାକୁ କହିଛନ୍ତି।