ମନ୍ତ୍ରୀଙ୍କୁ ସୋସିଆଲ ମିଡିଆ ଆପତ୍ତି ଜନକ ମନ୍ତବ୍ୟ, ଥାନାରେ ଅଭିଯୋଗ

ବାଲେଶ୍ୱର: ମନ୍ତ୍ରୀଙ୍କୁ ସୋସିଆଲ ମିଡିଆ ଆପତ୍ତି ଜନକ ମନ୍ତବ୍ୟ ଦେବା ପଡିଲା ମହଙ୍ଗା । ଥାନାରେ ଅଭିଯୋଗ କଲେ ବିଜୁ ଛାତ୍ର ଜନତା ସଭାପତି । ବାଲେଶ୍ଵର ଜିଲ୍ଲା ଖଇରା ବ୍ଲକ ବର୍ତ୍ତନା ଗାଁର ଜଣେ ଯୁବକ ସୋସିଆଲ ମିଡିଆରେ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ସମେତ ବିଜେଡି ଦଳକୁ ଅଶାଳୀନ ମନ୍ତବ୍ୟ ଦେଇଥିଲେ ।

ସେପଟେ ଏପରି ମନ୍ତବ୍ୟକୁ ନେଇ  ବିଜୁ ଛାତ୍ର ସଭାପତି ବିଜୟ କୁମାର ସାହୁ ସିମୁଳିଆ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ପୋଲିସ ତଦନ୍ତ ଆରମ୍ଭ କରିଥିବାବେଳେ ଏଭଳି ମନ୍ତବ୍ୟକୁ ନେଇ ଅସନ୍ତୋଷ ଦେଖିବାକୁ ମିଳିଛି । ଯେଉଁ ବ୍ୟକ୍ତି ଏପରି ମନ୍ତବ୍ୟ ପ୍ରଦାନ କରିଛନ୍ତି ତାଙ୍କ  ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଛାତ୍ର ନେତା ଦାବି କରିଛନ୍ତି ।