ଅଭିଳାଷ ପଣ୍ଡାଙ୍କ ନାଁରେ ରୁଜୁ ହେଲା ମାମଲା

ନନ୍ଦିଘୋଷ ବ୍ୟୁରୋ: ବ୍ୟାସକବି ଫକୀରମୋହନ ସେନାପତିଙ୍କୁ ବିଜେପି ଯୁବ ସଭାପତି ଅଭିଳାଷ ପଣ୍ଡାଙ୍କ ଅପମାନସୂଚକ ମନ୍ତବ୍ୟ ପ୍ରସଙ୍ଗ। ଅଭିଳାଷଙ୍କ ବିରୁଦ୍ଧରେ ବାଲେଶ୍ବର ଟାଉନ ଥାନାରେ ରୁଜୁ ହେଲା ମାମଲା । ଯୁବନେତା ବିକ୍ରମ ପଣ୍ଡାଙ୍କ ଅଭିଯୋଗ ଅନୁସାରେ ମାମଲା ରୁଜୁ କରାଯାଇଛି । ଫକୀରମୋହନ ସେନାପତିଙ୍କ ଅବଦାନକୁ ନେଇ ଓଡ଼ିଆ ଜାତି ଗର୍ବ କରେ। ହେଲେ ଓଡ଼ିଆ ଅସ୍ମିତାକୁ ଦ୍ବାହି ଦେଇ ନିର୍ବାଚନ ଜିତିବା ପରେ ସରକାର ଦଳରେ ଥିବା ନେତାମାନେ ହିତାହିତ ଜ୍ଞାନ ଭୁଲି ଯାଇଛନ୍ତି। ଗଣମାଧ୍ୟମରେ ବିଜେପି ଯୁବମୋର୍ଚ୍ଚା ସଭାପତି ଅଭିଳାଷ ପଣ୍ଡା ଫକୀରମୋହନଙ୍କ ବିରୁଦ୍ଧରେ ଦେଇଥିବା ମନ୍ତବ୍ୟ ପାଇଁ ଓଡ଼ିଶାବାସୀଙ୍କ ନିକଟରେ ନିସର୍ତ୍ତ କ୍ଷମା ପ୍ରାର୍ଥନା କରିବାକୁ ଦାବି କରିଛନ୍ତି ବିକ୍ରମ । ନହେଲେ ଏତଲା ଅନୁସାରେ ଅଭିଳାଷଙ୍କୁ ତୁରନ୍ତ ଗିରଫ କରି ଓଡ଼ିଆ ଅସ୍ମିତାକୁ ସୁରକ୍ଷିତ କରିବାକୁ ଦାବି ହୋଇଛି ।