ଅନାଥଙ୍କୁ ମିଳିଲା ମା’ଙ୍କ ପରିଚୟ, ଶିଶୁକନ୍ୟାକୁ ଆପଣାଇ ନେଲେ ଫିନଲାଣ୍ଡ ମହିଳା

ସମ୍ବଲପୁର: ଅନାଥଙ୍କୁ ମିଳିଲା ମା’ଙ୍କ ପରିଚୟ । ଖୁସି ମୁହଁରେ ହସ ଫୁଟାଇବେ ଫିନଲାଣ୍ଡ ମହିଳା । ସମ୍ବଲପୁର ଶିଶୁ ଯତ୍ନ ଅନୁଷ୍ଠାନର ଶିଶୁ କନ୍ୟା ଖୁସିକୁ ଆପଣାଇଛନ୍ତି ଫିନଲାଣ୍ଡ ମହିଳା ଲୌରା ଏଲେନା | ଅନ୍ତର୍ଦେଶୀୟ ପୋଷ୍ୟ ନିୟମ ଅନୁସାରେ ଆଜି ଖୁସିକୁ ତାର ନୂତନ ମା’ଙ୍କୁ ହସ୍ତାନ୍ତର କରାଯାଇଛି | ଶିଶୁକୁ କୋଳେଇ ନେଇ ଫିନଲାଣ୍ଡ ମହିଳା ଅତ୍ୟନ୍ତ ଆନନ୍ଦିତ ହୋଇଛନ୍ତି | ଆରଡିସି ଡ଼. ସୁରେଶ ଚନ୍ଦ୍ର ଦଳେଇ ଏବଂ ଜିଲ୍ଲାପାଳ ଅନନ୍ୟା ଦାସ ଶିଶୁର ନୂତନ ମା ସହିତ ଆଲୋଚନା କରି ଶିଶୁ କନ୍ୟାର ଉଜ୍ଜଳ ଭବିଷ୍ୟତ କାମନା କରିଛନ୍ତି | ଅନ୍ୟ ମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ଉମାକାନ୍ତ ରାଜ, ଡେପୁଟି କଲେକ୍ଟର ମିତାଲି ମଧୁସ୍ମିତା ଦଳେଇ, ଲୋପାମୁଦ୍ରା କାଲୋ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶୁଚିସ୍ମିତା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।