ବିନା ଇଣ୍ଟରନେଟ ବ୍ୟବହାରରେ ଖୋଜି ହେବ ଚୋରି ସ୍ମାର୍ଟଫୋନ୍

ନୂଆଦିଲ୍ଲୀ: ଆପଣଙ୍କ ମୋବାଇଲ ଚୋରି ହୋଇଗଲେ କ’ଣ କରିବେ ? ଥରେ ହାତରୁ ଗଲେ ଫୋନ ଫେରିପାଇବା ନା ସହ ସମାନ । କାରଣ ସ୍ମାର୍ଟଫୋନ୍ ଚୋରି ହେବା ପରେ ଯେପର୍ଯ୍ୟନ୍ତ ସେଥିରେ ଡାଟା ଅନ୍ ହୋଇନଥିବ ଟ୍ରାକ୍ କରିବା ଅସମ୍ଭବ । ହେଲେ ଏବେ ଆଉ ଚିନ୍ତା କରିବାର କାରଣ ନାହିଁ । ବିନା ଡାଟା ଅନ୍ କରି ଚୋରି ସ୍ମାର୍ଟଫୋନକୁ କରି ହେବ ଟ୍ରାକ୍ । ଏମିତି କିଛି ଫିଚର ଆଣିବାକୁ ଯାଉଛି ଗୁଗୁଲ । ମୋବାଇଲ୍ ଡାଟା ଅଫ୍ ଥିଲେ ବି ଏହି ଫଇଚର ଜରିଆରେ ଫୋନର ଲୋକେସନ ଜାଣିହେବ । ପ୍ଲେ ସିଷ୍ଟମର ଲାଟେଷ୍ଟ ଅପଡେଟରେ କମ୍ପାନୀ ଏହି ଫିଚର ସମ୍ପର୍କରେ ସୂଚନା ଦେଇଛି । ପୂର୍ବରୁ ଆଇଫୋନରେ ଏହି ଫଇଚରର ବ୍ୟବହାର ହେଉଥିଲା । ଯାହା ଏବେ ସ୍ମାର୍ଟଫୋନରେ ବ୍ୟବହାର ହେବାକୁ ଯାଉଛି । XDA ଡେଭଲପ ଅନୁସାରେ ଗୁଗୁଲ ତରଫରୁ କୁହାଯାଇଛି Find My Device ସହ ନୂଆ ଫ୍ରାଇଭେସି ସେଣ୍ଟ୍ରିକ ଫ୍ରେମଓ୍ବାର୍କକୁ ବ୍ୟବହାର କରାଯାଉଛି । ଏହାଦ୍ବାରା ଶେଷ ଲୋକେସନକୁ ନେଇ ଆଲର୍ଟ କରାଯିବ ।

ସୂଚନାଯୋଗ୍ୟ, ଗୁଗୁଲ ପାଖରେ ପୂର୍ବରୁ Find My Device ଆପ୍ ଅଛି । ଯାହାଦ୍ବାରା ୟୁଜର୍ସଙ୍କ ଆଣ୍ଡ୍ରୋଏଡ ଫୋନ ଓ ଟ୍ୟାବଲେଟକୁ ଲୋକେଟ୍ କରି ହେଉଛି । ଏହା ସାହାଯ୍ୟରେ ୟୁଜର୍ସ ନିଜ ଡିଭାଇସକୁ ଖୋଜିବା ସହ ଲକ୍ କିମ୍ବା ଏରିଜ ବି ପାରୁଛନ୍ତି । ଗୁରୁତ୍ବପୂର୍ଣ୍ଣ କଥା ହେଲା ଯେପର୍ଯ୍ୟନ୍ତ ଡିଭାଇସଟି ଇଣ୍ଟରନେଟ ସହ ସଂଯୋଗ ହୋଇନଥିବ ସେପର୍ଯ୍ୟନ୍ତ Find My Device ଆପଣଙ୍କୁ କୌଣସି ସାହାଯ୍ୟ କରିପାରିବ ନାହିଁ । ହେଲେ ନୂଆ ଅପଡେଟ ପରେ ଏଥିରେ ବହୁତ ପରିବର୍ତ୍ତନ ଦେଖିବାକୁ ମିଳିବ । ଗୁଗୁଲ ଅପଡେଟ ପେଜ ନୋଟରୁ ଜଣାପଡୁଛି, ଏଥିପାଇଁ ଇଣ୍ଟରନେଟର ଆବଶ୍ୟକତା ରହିବ ନାହିଁ ।

କେମିତି କରିବେ Find My Deviceର ବ୍ୟବହାର ?

Find My Device ର ବ୍ୟବହାର କରିବାକୁ ହେଲେ ପ୍ରଥମେ android.com/find କୁ ଯାଇ ଗୁଗୁଲ ଆକାଉଣ୍ଟରେ ସାଇନ୍ ଇନ୍ କରିବାକୁ ପଡ଼ିବ । ଯେଉଁଟା ଆପଣଙ୍କ ଫୋନରେ ଲଗ୍ ଇନ୍ ଥିବ । ଏହାପରେ ଆପଣଙ୍କୁ ଏକାଧିକ ଅପସନ ମିଳିବ । ଯେଉଁଥିରେ ୟୁଜର୍ସଙ୍କୁ ଡିଭାଇସ ଡାଟା ଡିଲିଟ କିମ୍ବା ଫୋନ୍ ଲୋକେଟ୍ ଅପସନ ମିଳିବ । ଏହାବାଦ ଫୋନକୁ ଫୁଲ୍ ଭଲ୍ୟୁମରେ ରିଙ୍ଗ କରିବାର ବି ଅପସନ ରହିଛି । ଏହାଦ୍ବାରା ଆଖପାଖରେ ଯଦି ଫୋନଟି ଥିବ ଆପଣ ଜାଣି ପାରିବେ । ହେଲେ ଏଥିପାଇଁ ଆପଣଙ୍କ ଡିଭାଇସ୍ ଇଣ୍ଟରନେଟ୍ ସହ କନେକ୍ଟ ହୋଇଥିବା ଦରକାର । ନୂଆ ଫିଚର ଆସିବା ପରେ ଏସବୁ ଫିଚରକୁ ବିନା ଇଣ୍ଟରନେଟ୍ କନେକ୍ସନରେ ବ୍ୟବହାର କରିହେବ ।