ବ୍ୟାଙ୍କର ଏଭଳି ସ୍ଥିତି ପାଇଁ ଦାୟୀ କିଏ ?

ଆର୍ଥିକ ସଂକଟରେ ଫସି ଦେବାଳିଆ ଅବସ୍ଥାରେ ୟେସ୍‌ ବ୍ୟାଙ୍କ । ବ୍ୟାଙ୍କର ସ୍ଥିତି ଏମିତି କିଭଳି ହେଲା । ଏହା ପଛରେ କାହାର ହାତ ଅଛି ତାର ତନାଘନା ଆରମ୍ଭ ହୋଇଛି । ପୂର୍ବତନ ସିଇଓ ରାଣା କପୁରଙ୍କ ଘରେ ଇଡି ରେଡ କରିଛି । ଏହାସହ ଜାରି ହୋଇଛି ଲୁକ୍‌ ଆଉଟ୍‌ ନୋଟିସ୍‌ । ଶନିବାର ସଂଧ୍ୟାରୁ ବିଳମ୍ବିତ ରାତ୍ରୀ ପର୍ଯ୍ୟନ୍ତ ତାଙ୍କୁ ପଚରାଉଚରା କରିଛି ଇଡି । ତାଙ୍କ ନାଁରେ ମନି ଲଣ୍ଡ୍ରିଂ ମାମଲା ରୁଜୁ ହୋଇଛି । ତାଙ୍କ ନାଁରେ DHFL ଠକେଇ ମାମଲା ମଧ୍ୟ ରହିଛି । ୭୯ଟି ଜାଲ୍‌ କମ୍ପାନି ଓ ୧ ଲକ୍ଷ ନକଲି ଗ୍ରାହକଙ୍କୁ ଦେଖାଇ ଗାଏବ ହୋଇଥିବା ୧୩ ହଜାର କୋଟି ଘୋଟାଲାର ଯାଞ୍ଚ କରୁଛି ଇଡି । ୟେସ୍‌ ବ୍ୟାଙ୍କକୁ ଦେବାଳିଆ ସ୍ଥିତିରୁ ଉଦ୍ଧାର କରିବା ପାଇଁ ପରିଚାଳନା ବୋର୍ଡ ନୀତିଗତ ଅନୁମୋଦନ ଦେଇଛି । ଏଥିପାଇଁ ୪୯ ପ୍ରତିଶତ ଅଂଶଧନ କିଣିବା ସହ ପ୍ରାରମ୍ଭିକ ପର୍ଯ୍ୟାୟରେ ୨ ହଜାର ୪୫୦ କୋଟି ଟଙ୍କାର ନିବେଶ କରିବ ଏସବିଆଇ । ତେବେ  ଆକାଉଣ୍ଟଧାରୀଙ୍କ ପ୍ରତି କୈାଣସି ବିପଦ ନାହିଁ ବୋଲି କହିଛି ଏସବିଆଇ ।