୧୮୨୬ ନିର୍ମାଣ ଶ୍ରମିକଙ୍କୁ ୧୧ କୋଟିରୁ ଅଧିକ ଟଙ୍କାର ସହାୟତା ପ୍ରଦାନ
1 min read
ଦେବଗଡ଼: ନୂଆବର୍ଷ ପୂର୍ବରୁ ନିର୍ମାଣ ଶ୍ରମିକଙ୍କ ମଧ୍ୟରେ ଖୁସି । ଦେବଗଡ଼ ନିର୍ମାଣ ଶ୍ରମିକଙ୍କୁ ସହାୟତା ରାଶି ବଣ୍ଟନ । ରାଜ୍ୟ ସରକାରଙ୍କ ପକ୍ଷରୁ ଜିଲ୍ଲାର ଶ୍ରମ ବିଭାଗ ଜରିଆରେ ୧୮୨୬ ଜଣ ନିର୍ମାଣ ଶ୍ରମିକଙ୍କୁ ୧୧ କୋଟି ୩୦ ଲକ୍ଷ ୯୭ ହଜାର ୪ ଶହ ଟଙ୍କାର ସହାୟତା ପ୍ରଦାନ କରାଯାଇଛି l ଏଥିମଧ୍ୟରୁ ୨୫୪ ଜଣ ନିର୍ମାଣ ଶ୍ରମିକଙ୍କୁ ଶିକ୍ଷା ସହାୟତା ବାବଦକୁ ୧୫ ଲକ୍ଷ ୫୭ ହଜାର ୪ ଶହ ଟଙ୍କା ଦିଆଯାଇଛି ।
ସେହିପରି ୮୮୭ ଜଣ ଶ୍ରମିକଙ୍କୁ ବିବାହ ସହାୟତା ବାବଦକୁ ୪ କୋଟି ୪୨ ଲକ୍ଷ ୭୫ ହଜାର ଟଙ୍କା ଦିଆଯାଇଛି । ୩୭ ଜଣଙ୍କୁ ପ୍ରସୂତି କାଳୀନ ସହାୟତା ବାବଦକୁ ୩ ଲକ୍ଷ ୭୦ ହଜାର ଟଙ୍କା ଦିଆଯାଇଛି । ୩୨୮ ନିର୍ମାଣ ଶ୍ରମିକଙ୍କୁ ମୃତ୍ୟୁକାଳୀନ ସହାୟତା ବାବଦକୁ ୬ କୋଟି ୫୩ ଲକ୍ଷ ଓ ୩୨୦ ଶ୍ରମିକଙ୍କୁ ମୃତଦେହ ସଂସ୍କାର ନିମନ୍ତେ ୧୫ ଲକ୍ଷ ୯୫ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି l ଗରିବ ଶ୍ରମିକ ପରିବାରକୁ ସହାୟତା ପ୍ରଦାନ କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ହିତାଧିକାରୀ ।
