ପତାକା ଉତ୍ତୋଳନ ବେଳେ କରେଣ୍ଟ ଲାଗି ଜଣେ ମୃତ
ବରୀ: ପତାକା ଉତ୍ତୋଳନ ସମୟରେ ବିଦ୍ୟୁତ ଆଘାତରେ ଫାଇନାନ୍ସ କର୍ମଚାରୀଙ୍କ ମୃତ୍ୟୁ । ବରୀ ରାମଚନ୍ଦ୍ରପୁର ଥାନା ବାଲିଆପାଳ ହାଟ ନିକଟରେ ଥିବା ଏକ ଫାଇନାନ୍ସ କାର୍ଯ୍ୟାଳୟରେ ଘଟିଛି ଅଘଟଣ । ସ୍ବାଧୀନତା ଦିବସ ପାଳନ ସମୟରେ ଚାଲିଗଲା କାର୍ଯ୍ୟାଳୟର ଜଣେ କର୍ମଚାରୀଙ୍କ ଜୀବନ । ମୃତ ବ୍ୟକ୍ତି ଜଣଙ୍କ ହେଲେ ନିର୍ମଳ ପ୍ରଧାନ ।
ମିଳିଥିବା ସୂଚନା ଅନୁସାରେ ପତାକା ଉତ୍ତୋଳନ ପାଇଁ ଲୁହା ପାଇପରେ ପତାକାକୁ ବାନ୍ଧୁଥିବା ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ । ତାଙ୍କୁ ତୁରନ୍ତ ବରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ମୃତ କର୍ମଚାରୀ ଜଣଙ୍କ ଆସିଷ୍ଟାଣ୍ଟ ମ୍ୟାନେଜର ଭାବେ ସମ୍ପୃକ୍ତ ଫାଇନାନ୍ସ କମ୍ପାନୀରେ କାର୍ଯ୍ୟ କରୁଥିବା ବେଳେ ତାଙ୍କ ଘର ଧର୍ମଶାଳା ମୀର୍ଜାପୂରରେ ବୋଲି ଜଣାପଡିଛି ।
