କୋଭିସିଲ୍ଡ ପରେ ଏବେ କୋଭାକ୍ସିନକୁ ମିଳିଲା ଅନୁମତି

ନୂଆଦିଲ୍ଲୀ: ଆଜି ସାରା ଦେଶରେ କରୋନା ଟିକାର ଡ୍ରାଏ ରନ୍‌ ପରୀକ୍ଷଣ ଚାଲିଛି। ଆଉ ଏହାରି ଭିତରେ ଭାରତ ପାଇଁ ପୁଣିଥରେ ଆଉ ଏକ ବଡ଼ ଉପଲବ୍ଧି ମିଳିଛି। ଦେଶବାସୀଙ୍କୁ ମିଳିବ ପ୍ରଥମ ସ୍ବଦେଶୀ ଟିକା। କୋଭାକ୍ସିନକୁ ମିଳିଲା ଅନୁମତି। ଜରୁରିକାଳୀନ ପ୍ରୟୋଗ ପାଇଁ ମିଳିଲା ଅନୁମତି। CDSCO ପ୍ୟାନେଲ୍ ଅନୁମତି ଦେଇଛି। ଭାରତ ବାୟୋଟେକ୍ ଓ ଆଇସିଏମଆର ଦ୍ବାରା ପ୍ରସ୍ତୁତ ହୋଇଛି କୋଭାକ୍ସିନ।

ଦ୍ବିତୀୟ ଟିକା ଭାବେ କୋଭାକ୍ସିନକୁ ମିଳିଲା ଅନୁମତି। ଗତକାଲି କୋଭିସିଲ୍ଡକୁ ମିଳିଥିଲା ଅନୁମତି। ସରକାରଙ୍କ ପକ୍ଷରୁ ଗଠନ ହୋଇଥିବା ପ୍ୟାନେଲ କୋଭାକ୍ସିନର କେବଳ ଜରୁରୀ କାଳିନ ବ୍ୟବହାର ପାଇଁ ଅନୁମତି ଦେଇଛି ଚୂଡ଼ାନ୍ତ ଅନୁମତି ଦିଆଯିବା ମାତ୍ରେ ପ୍ରାୟ ୭ ରୁ ୧୦ ଦିନ ମଧ୍ୟରେ ଟୀକାକରଣ ଆରମ୍ଭ ହୋଇପାରେ।

ଜରୁରୀକାଳୀନ ବ୍ୟବହାର ପାଇଁ ଭରତ ବାୟୋଟେକର କୋଭାକ୍ସିନକୁ ଅନୁମୋଦନ କରିଛି। ବର୍ତ୍ତମାନ ସୁଦ୍ଧା ବିଶେଷଜ୍ଞ କମିଟି ବୈଠକ ଜାରି ରହିଛି। ଏହାକୁ ଅଳ୍ପ ସମୟ ମଧ୍ୟରେ ଆନୁଷ୍ଠାନିକ ଭାବେ ଘୋଷଣା କରାଯିବ । ଏହାପୂର୍ବରୁ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କୋଭିଶିଲ୍ଡ ଅନୁମୋଦନ ପାଇବା ପରେ ଖୁସି ବ୍ୟକ୍ତ କରିଥିଲେ।