ଦୁର୍ଦ୍ଦଶାରେ ଟେସଲା ଓ ସ୍ପେସଏକ୍ସ ଓନର ; ବିକୁଛନ୍ତି କମ୍ପାନିର ଫର୍ଣ୍ଣିଚର ଓ କିଚେନ ସାମଗ୍ରୀ

ଓ୍ବାଶିଂଟନ : ବିଲିୟନେୟାରଙ୍କ ବଢୁଛି ଦୁର୍ଦ୍ଦଶା । ଟୁଇଟର ମାଲିକ ଏଲନ ମସ୍କଙ୍କ ଲାଗି ଆସିଛି ଅତି ଖରାପ ସମୟ । ନା ଦେଇପାରୁଛନ୍ତି ଅଫିସ ଭଡ଼ା ନା ସୁଧାରିପାରୁଛନ୍ତି କମ୍ପାନି ସ୍ଥିତି । ରାତାରାତି ୨୦୦ ବିଲିୟନ ଡଲାର କ୍ଷତି ସହିଥିବା ଟୁଇଟର, ଟେସଲା ଓ ସ୍ପେସଏକ୍ସ ମାଲିକ ମସ୍କ ଏବେ ଗଭୀର ଚିନ୍ତାରେ । ଟୁଇଟର ଅଧିକୃତ କରିବା ପରେ ସେ ବିଶ୍ବସ୍ତରରେ ପ୍ରାୟ ୫୦ ଭାଗ କର୍ମଚାରୀଙ୍କୁ ଛଟେଇ କରିସାରିଲେଣି ।

କମ୍ପାନିର ସ୍ଥିତି ଏପରି  ହେଲାଣି ଯେ କର୍ମଚାରୀଙ୍କ ଲାଗି ରହିଥିବା ସୁବିଧା ଗୁଡିକୁ ସେ ହଟାଇ ନେଲେଣି । କେବଳ ଏତିକି ନୁହେଁ ସେ କମ୍ପାନିର ଫର୍ଣ୍ଣିଚର, କିଚେନ ସାମଗ୍ରୀ ଆଦି ବିକ୍ରି କରିବା ଆରମ୍ଭ କଲେଣି । ବର୍ତ୍ତମାନ ସୁଦ୍ଧା ସାନଫ୍ରାନସିସ୍କୋ ଅଫିସ ଭଡା ପରିମାଣ ହେଲାଣି ୧ କୋଟି ୧୨ ଲକ୍ଷ ଟଙ୍କା , ଯାହା ଦେଇ ପାରିନାହାନ୍ତି ମସ୍କ । ହେଡକ୍ବାର୍ଟର୍ସର ଅଫିସଗୁଡିକୁ ମସ୍କ ବେଡରୁମରେ ପରିଣତ କରିସାରିଲେଣି । ଏହାର ଉଦ୍ଦେଶ୍ୟ ହେଉଛି କର୍ମଚାରୀମାନେ ସାରା ଦିନ କମ୍ପାନି ଲାଗି କାର୍ଯ୍ୟ କରିବେ