ଫିଲ୍ମରେ ଫ୍ଲପ୍ କିନ୍ତୁ ବ୍ୟବସାୟ କ୍ଷେତ୍ରରେ କୋଟିପତି ଏହି ଅଭିନେତା, ସମ୍ପତ୍ତି ଜାଣିଲେ ହୋଇଯିବେ ଆଶ୍ଚର୍ଯ୍ୟ

ମୁମ୍ବାଇ: ସରଭନନ ଅରୁଲ । ଏହି ଅଭିନେତା ମାତ୍ର ଗୋଟିଏ ଫିଲ୍ମ କରିଛନ୍ତି । ଯାହାକି ଫ୍ଲପ ହୋଇଥିଲା । ବଡ଼ ଷ୍ଟାରକାଷ୍ଟଙ୍କୁ ନେଇ ଫିଲ୍ମ ନିର୍ମାଣ କରିଥିଲେ ମାତ୍ର କାହାଣୀ କିମ୍ବା ଅଭିନୟ ଦର୍ଶକଙ୍କ ମହଲରେ ଆଦୃତ ହୋଇପାରିନଥିଲା । ଜେଡିଙ୍କ ନିର୍ଦ୍ଦେଶିତ ଏହି ତାମିଲ ଫିଲ୍ମରେ ବଲିଉଡ ଅଭିନେତ୍ରୀ ଉର୍ବଶୀ ରୋତେଲା, ବିବେକ, ଯୋଗୀବାବୁ, ସୁମନ ଏବଂ ବିଜୟ କୁମାର ନଜର ଆସିଥିଲେ । ’ଦି ଲିଜେଣ୍ଡ’ ଫିଲ୍ମ ୨୦୨୨ ମସିହାରେ ରିଲିଜ ହୋଇଥିବାବେଳେ ଏହା ୪୫ କୋଟି ଟଙ୍କା ବ୍ୟୟରେ ନିର୍ମାଣ କରାଯାଇଥିଲା । ସରଭନନଙ୍କ କମ୍ପାନୀ ଦ୍ବାରା ଏହି ଫିଲ୍ମଟି ନିର୍ମିତ ହୋଇଥିବାବେଳେ ଫ୍ଲପ ହୋଇଥିଲା । ମାତ୍ର ଗୋଟିଏ ଫିଲ୍ମ କରିଥିବା ହିରୋ ସରବନନ ୫୪ ବର୍ଷ ବର୍ଷ ବୟସରେ ଫିଲ୍ମରେ ନଜର ଆସିଥିଲା ମାତ୍ର ଏହା ଫ୍ଲପ ହୋଇଥିଲା । ଫିଲ୍ମ ଫ୍ଲପ ହୋଇଥିଲା ସତ କିନ୍ତୁ ତାଙ୍କ ବ୍ୟବସାୟ ବେଶ ଭଲ ହେଉଛି । ଫିଲ୍ମ ବିଜନେସ କ୍ଷତି ସହିତ ସତ କିନ୍ତୁ ସେ କରୁଥିବା ବ୍ୟବସାୟରେ ବେଶ ଉନ୍ନତ ହୋଇଛନ୍ତି । ତାଙ୍କ କମ୍ପାନୀ ୨୫୦୦ କୋଟି ବ୍ୟବସାୟ କରୁଥିବା ୨୦୨୧-୨୨ ଆର୍ଥିକ ବର୍ଷରେ ଜଣା ପଡ଼ିଛି ।

ସରବନନ ଜଣେ ଧନୀ ବ୍ୟବସାୟୀ । ତାଙ୍କ ସମ୍ପତ୍ତିର ମୂଲ୍ୟ ୧୫୦ରୁ ୨୦୦ କୋଟି । ବଲିଉଡର ତିନି ଖାନ ଏବଂ ରଜନୀକାନ୍ତ ଏବଂଅଲ୍ଲୁ ଅର୍ଜ୍ଜୁନଙ୍କଠାରୁ ମଧ୍ୟ ତାଙ୍କର ଅଧିକ ଦାମୀ କାର ରହିଛି । କାରରେ ତାଙ୍କର ବହୁ ସଉକ ରହିଥିବା ମଧ୍ୟ କୁହାଯାଏ । ତାଙ୍କ କମ୍ପାନୀ ’ଦ ଲିଜେଣ୍ଡ ସରଭନନ ଷ୍ଟୋର’ ବଜାରରେ ଭଲ ବ୍ୟବସାୟ କରୁଛି । ଏବେ ସରଭନନ ନୂଆ ଲୁକରେ ନଜର ଆସିଥିବାବେଳେ ଆଗାମୀ ଦିନରେ ତାଙ୍କ ପ୍ରଯୋଜନା ସଂସ୍ଥାଦ୍ବାରା ଆଉ ଏକ ଫିଲ୍ମରେ ନଜର ଆସି ପାରନ୍ତି ବୋଲି ଚର୍ଚ୍ଚା ହେଉଛି । ମାତ୍ର ଏଯାବତ ସେ ଗଣମାଧ୍ୟମକୁ କୌଣସି ପ୍ରତିକ୍ରିୟା ଦେଇନାହାନ୍ତି ।