ଏଫଆଇଏଚ୍ ପ୍ରୋ ଲିଗ୍ ହକି: ଆଜି ନ୍ୟୁଜିଲାଣ୍ଡକୁ ଭେଟିବ ଭାରତ

1 min read

ଭୁବନେଶ୍ୱର: କମ୍ପୁଛି କଳିଙ୍ଗ । ରାଜଧାନୀରେ ଦେଖୁବାକୁ ମିଳିଛି ହକି କ୍ରେଜ୍ । ଚଳିତ ଏଫଆଇଏଚ୍‌ ‌ପ୍ରୋ ଲିଗର ଆଜି ସନ୍ଧ୍ୟାରେ ଆଉ ଏକ ମ୍ୟାଚ୍ କଳିଙ୍ଗ ଷ୍ଟାଡିୟମରେ ଖେଳାଯିବ । ସନ୍ଧ୍ୟା ୭ଟାରେ ମୁହାଁମୁହିଁ ହେବେ ଭାରତ-ନ୍ୟୁଜିଲାଣ୍ଡ । ଗତ ସପ୍ତାହରେ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଉଦଘାଟନୀ ମ୍ୟାଚରେ ଭାରତ ୪-୩ରେ ନ୍ୟୁଜିଲାଣ୍ଡକୁ ପରାସ୍ତ କରି ଅଭିଯାନ ଆରମ୍ଭ କରିଥିଲା । ତେବେ ପରବର୍ତ୍ତୀ ମ୍ୟାଚ୍‌ରେ ସ୍ପେନ୍‌ ନିକଟରୁ ୩-୪ ଗୋଲରେ ହାରିଯାଇଥିଲା ଭାରତ ।

ତେବେ ଆଜିର ମ୍ୟାଚରେ ପୁଣିଥରେ ପ୍ରଥମ ମ୍ୟାଚର ପ୍ରଦର୍ଶନକୁ ଦୋହରାଇବାକୁ ଆଶା ରଖିଛି ଭାରତ । ପୂର୍ବ ମ୍ୟାଚରେ ରହିଥିବା ଦୋଷ, ଦୁର୍ବଳତାକୁ ଦୂର କରି ଆଜି ମ୍ୟାଚରେ ଭାରତ ଦୃଢ଼ ମନୋବଳ ସହ ପଡ଼ିଆକୁ ଓହ୍ଲାଇବ ମ୍ୟାନ ଇନ୍ ବ୍ଲୁ ।