ଚୋରା ମଦ କିଣା ବିକାକୁ ନେଇ ଖଣ୍ଡଯୁଦ୍ଧ: ଜଣେ ବେପାରୀ ଆହତ, ଆଉ ଜଣଙ୍କୁ ବାନ୍ଧିଲା ପୋଲିସ

ପାଟକୁରା: ଗଣେଶ ଭସାଣରେ ମଦ କିଣା ବିକାକୁ ନେଇ ଦୁଇ ମଦ ବେପାରୀଙ୍କ ଭିତରେ ଖଣ୍ଡ ଯୁଦ୍ଧ । ପାଟକୁରା ପୋଲିସ ଜଣଙ୍କୁ ଗିରଫ କରିଥିବା ବେଳେ ଆକ୍ରମଣ ପ୍ରତି ଆକ୍ରମଣରେ ଜଣେ ବେପାରୀ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି ।

ପାଟକୁରା ବାମରା ଗାଁର ମଦ ବ୍ଯବସାୟୀ ରମେଶ ଚନ୍ଦ୍ର ବେହେରା ଓ ନିକଟସ୍ଥ ସରତୋଲା ଗାଁର ଗଣେଶ ପଲେଇ ଚୋରା ମଦ ବେପାର କରୁଥିଲେ । ଦୁହିଁଙ୍କ ଭିତରେ ଚୋରା ମଦ ବିକିବାର ପ୍ରତିଯୋଗିତା ହୁଏ । ଏନେଇ କଥା କଟାକଟି ପରେ, ରମେଶ ଗଣେଶଙ୍କୁ ଏକ ଲୁହା ରଡ, ଠେଙ୍ଗା ଓ ଭୁଜାଲି ସାହାଯ୍ୟରେ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ଗଣେଶଙ୍କୁ ପାଟକୁରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଘଟଣା ସ୍ଥଳରେ ପହଁଞ୍ଚି ରମେଶଙ୍କୁ ଗିରଫ କରି କୋର୍ଟ ଚାଲାଣ କରିଛି ।