୪ ବର୍ଷ ମଧ୍ୟରେ ରାଜ୍ୟର ୧୫ ହଜାର ଏକର ଜମି ଶିଳ୍ପାୟନ ଉପଯୋଗୀ

ଭୁବନେଶ୍ବର: ପୁଞ୍ଜି ନିବେଶକାରୀଙ୍କ ପସନ୍ଦ ପାଲଟିଛି ଓଡ଼ିଶା  । ସିଙ୍ଗିଲ ଉଇଣ୍ଡୋ ମାଧ୍ୟମରେ ସବୁ ପ୍ରକାର ମଞ୍ଜୁରୀ ଅନଲାଇନ ଜରିଆରେ ରାଜ୍ୟ ସରକାର ଯୋଗାଇ ଦେଉଛନ୍ତି । ଏଯାଏଁ ୧୮ଟି ବିଭାଗର ୫୪ ପ୍ରକାର ମଂଜୁରୀ ଅନଲାଇନ କରାଯାଇଛି  । ରାଜ୍ୟରେ ଶିଳ୍ପାୟନ ଭିତ୍ତିଭୂମିକୁ ଅଧିକ ମଜଭୁତ କରାଯାଇଛି  ।

୪ ବର୍ଷ ମଧ୍ୟରେ ରାଜ୍ୟର ୧୫ହଜାର ଏକର ଜମିକୁ ଶିଳ୍ପାୟନ ଉପଯୋଗୀ କରାଯାଇଛି । ପ୍ରତ୍ୟେକ ଜିଲ୍ଲାରେ ଇଣ୍ଡଷ୍ଟ୍ରିଆଲ ପାର୍କ କରାଯାଇଛି  । ମୋଟ ୩୦ଟି ପାର୍କ କରା ଯାଇଛି ବୋଲି ଆଜି ମୁଖ୍ୟମନ୍ତ୍ରୀଙ୍କୁ ସମୀକ୍ଷା ରିପୋର୍ଟ ପରେ ଗଣମାଧ୍ୟମକୁ ସୂଚନା ଦେଇଛନ୍ତି ଶିଳ୍ପ ମନ୍ତ୍ରୀ ପ୍ରତାପ ଦେବ । ରାଜ୍ୟରେ ପୁଞ୍ଜି ନିବେଶ ପାଇଁ ୧୦ଲକ୍ଷ ୪୮ ହଜାର କୋଟି ଟଙ୍କାର ପ୍ରସ୍ତାବ ଆସିଥିଲା  । ସେଥିରେ ୨ଲକ୍ଷ ୫୬ହଜାର କୋଟି ଟଂକାର ବିଭିନ୍ନ ପ୍ରକଳ୍ପରେ ପୁଂଜି ନିବେଶ ହୋଇଛି  ।

ବିଭିନ୍ନ ପ୍ରକଳ୍ପର ଗ୍ରାଉଣ୍ଡରେ କାମ ଆରମ୍ଭ ହୋଇଛି  । ଦେଶର ସର୍ବ ବୃହତ୍ ନିପ୍ପନ୍ ଷ୍ଟିଲ କାମ ଦ୍ରୁତ ଗତିରେ ଚାଲିଛି  । ରାଜ୍ୟ ସରକାରଙ୍କ ପକ୍ଷରୁ ଜମି ଅଧି ଗ୍ରହଣ କରାଯିବା ସହ ଜଙ୍ଗଲ ଓ ପରିବେଶ ମଞ୍ଜୁରୀ ପାଇଁ କେନ୍ଦ୍ରର ଅନୁମତି ମଗାଯାଇଛି  । କେନ୍ଦ୍ରରୁ ମଞ୍ଜୁରୀ ମିଳିଲେ କାମ ଅଧିକ ତ୍ଵରାନିତ ହେବ  ।