ସୁନା ଚେନ୍ ଝାମ୍ପି ନେଉଥିବା ପ୍ରଫୁଲ୍ଲ ସମେତ ୧୫ ଗିରଫ, କୋର୍ଟ ଚାଲାଣ

ଭୁବନେଶ୍ବର: ରାଜଧାନୀରେ ଲୁଟପାତ ମଚାଇ ଥିବା ଚେନ ଲୁଟେରା ଗ୍ୟାଙ୍ଗର ଖେଳ ତମାମ । ଅଭିଯୁକ୍ତ ପ୍ରଫୁଲ୍ଲ ନାୟକ ସମେତ ୧୫ ଜଣ ଗିରଫ । ସମସ୍ତଙ୍କୁ କରାଯାଇଛି କୋର୍ଟ ଚାଲାଣ । କଳା ପଲସରରେ ରାଜଧାନୀର ଗଳିକନ୍ଦିରେ ବୁଲି ବୁଲି ଝାମ୍ପି ନେଉଥିଲେ ସୁନା ଚେନ୍ । ପୂର୍ବରୁ ଗ୍ୟାଙ୍ଗର ଅନ୍ୟତମ ସଦସ୍ୟ ଫିରୋଜକୁ ଗିରଫ କରିଥିଲା କମିଶନରେଟ ପୋଲିସ ।

ଫିରୋଜ ଓ ପ୍ରଫୁଲ୍ଲ ଚେନ ଲୁଟିବା ପରେ ଫେରାର ବେଳେ ହେଉଥିବାର ସିସିଟିଭି ଭିଡିଓ ଲାଗିଛି ନନ୍ଦିଘୋଷ ଟିଭି ହାତରେ । ଭିଡିଓରେ ଦେଖିବାକୁ ମିଳୁଛି, ଦୁଇ ଲୁଟେରା ଚେନ୍ ଝାମ୍ପିବା ପରେ କଳା ପଲସରରେ ଫେରାର ହୋଇଯାଉଛନ୍ତି । ପେସାଦାର ଫିରୋଜ ଗାଡ଼ି ଚଳାଉଥିବା ବେଳେ ପଛରେ ବସିଛି ଗ୍ୟାଙ୍ଗର ମୁଖ୍ୟ ସହଯୋଗୀ ପ୍ରଫୁଲ୍ଲ । ସିସିଟିଭି ଦେଖି ମୁଁହ ଲୁଚେଇ ଲୁଚେଇ ଖସି ଯିବାକୁ ଉଦ୍ୟମ ଚଳାଇଛନ୍ତି । ଶେଷରେ ଅଭିଯୁକ୍ତକୁ ଗିରଫ କରିଛି କମିସନରେଟ ପୋଲିସ ।

ସୂଚନାଯୋଗ୍ୟ, ଫିରୋଜ ନାଁରେ କେବଳ କମିଶନରେଟ ନାଁରେ ମାଳମାଳ ମାମଲା ରହିଛି । ଗତ ୯ ତାରିଖରେ ଗିରଫ ହୋଇଥିଲା ଫିରୋଜ ।