ଆଜି କଳିଙ୍ଗରେ କମାଲ କରିବ ଟିମ୍ ଇଣ୍ଡିଆ, ସନ୍ଧ୍ୟାରେ ମରକ୍କୋକୁ ଭେଟିବ ଭାରତ

ଭୁବନେଶ୍ୱର: ଆଜି କଳିଙ୍ଗରେ କମାଲ କରିବ ଟିମ୍ ଇଣ୍ଡିଆ । ଆଜି ରାତି ୮ଟାରେ ଭାରତୀୟ ମହିଳା ଫୁଟବଲ ଟିମ୍ ଦେବ ଶ୍ରେଷ୍ଠ ପ୍ରଦର୍ଶନ । ଅଣ୍ଡର ୧୭ ମହିଳା ଫିଫା ବିଶ୍ୱକପରେ ଆଜି ମରକ୍କୋ ଟିମକୁ ଟକ୍କର ଦେବ ଭାରତ । ଉଭୟ ଟିମ୍ ନିଜର ପ୍ରଥମ ମ୍ୟାଚରେ ହାରିଥିବାରୁ ଆଜିର ମ୍ୟାଚରେ ଭଲ ପ୍ରଦର୍ଶନ କରି ବିଜୟୀ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛନ୍ତି । ଏହି ବଡ଼ ମ୍ୟାଚ ପୂର୍ବରୁ ଗତକାଲି ସପ୍ତମ ବାଟାଲିୟନ ପଡ଼ିଆରେ ଭାରତୀୟ ଦଳ ଜୋରଦାର ଅଭ୍ୟାସ କରିଛି । କୋଚ ଡି. ଥୋମାସଙ୍କ ତତ୍ତ୍ୱାବଧାନରେ ଭାରତୀୟ ଖେଳାଳି ଅଭ୍ୟାସ କରିଛନ୍ତି ।